Barriak
Etiquetado como: Liturgia
Liturgiaren arloei buruzko ikastaroa: sormena eta zehaztasuna
Liturgiari buruzko ikastaroa hiru saiotan garatuko da, apirilaren 25ean, maiatzaren 8an eta ekainaren 6an. Eleizbarrutiko Teologia eta Pastoraltza Institututik (ETPI) azaldu dabe zer dala-eta sortu dan jarduera hau: "pertsona eta alkarte askok fedea eremu bakun, adierazgarri eta zentzuzkoan ospatzeko agertutako premina eta egarriari erantzuteko". Izena emoteko: hemen.
Hausterre Eguneko Eukaristia, zuzenean, katedraletik
Irudian klik eginez, zuzenean parte hartu daiteke Eukaristian. Eleizbarrutiko youtube kanaletik eta facebooketik be emongo da.
On Joseba Segura gotzaina buru izango da Hautsa ezartzeko eleizkizunean, katedralean
Gaur, Hausterre eguna, hasiera emongo jako Garizuma-aldiari eta parrokietan eleizkizunak egingo dira Hautsa ezartzeko.
Bilboko Koral Elkartearen kantu liturgikoen hirugarren bilduma
Gaur, otsailaren 1ean, Bilboko Koral Elkarteak gotzainari eroan deutso `Kanta dagigun danok´ kantu sortaren hirugarren alea. Aurreko albumetan gertatu zan moduan, oraingoan be, grabazinoak Deustuko Unibertsitateko kapera gotikoan egin dira. Enrique Azurzaren zuzendaritzapean 50 kantarik hartu dabe parte proiektuan. Eurekin batera, Josetxo Brey bakarlariak eta Alberto Saez …
Liturgia, Alkarren Barri/ Comunicación aldizkarian
Amaitu barri dogun 2023an, "Alkarren Barri / Comunicación" aldizkariak Lliturgiari eskaini deutso sail bat. Urtarrilean, esate baterako, eleizaren atalak eta altaran jarten diran gauzak aitatu ziran. Beste kapitulu batzuetan, liturgian erabilten diran koloreak, eleizetan argia non dan garrantzitsua, e.a..., aztertu dira. Jesus Llarena Liturgiarako Eleizbarrutiko Ordezkariak …
Agerkari barria eskeraz, ebanjelioko pasarteen azalpenakaz
Euskerarako Eleizbarrutiko Zerbituzk "Domeka eta jaiegunetako Ebangelioak hausnartu" lana aurkezu barri dau. Liturtia urte osoko, domeka eta jaiegunetako, ebanjelioko pasarteen euskerazko azalpenak jasoten ditu. Eskuratu gura dauanak Gotzaitegian dagoan Euskerarako Eleizbarrutiko Zerbitzura (hartu-emonerako: Lontzo Zugazaga) edo Jakinbide liburu-dendara jo daiala.
`Jainkoaren Herriaren Otoitza´, parrokietarako lagungarriak euskeraz
"Jainkoaren herriaren otoitzak" Bilboko Eleizbarrutiko "Euskal baliabideak" taldearen lanaren emaitza da. Jose Mari Rementeria abadeak prestatu ditu otoitzok, Lontzo Zugazaga Euskera Saileko Bilboko Eleizbarrutiko zuzendariaren ikuskapenagaz. Jakinbide Eleizbarrutiko liburu-dendan eskuratu daitekez paper-euskarrian.
Abendu- eta Gabon-aldirako lagungarriak kolore eta musikaz
Prest dagoz dagoeneko Abendu- eta Gabon-aldirako lagungarriak webgune honetan. Koloreak dagoz materialen oinarrian. Alde batetik, Ebanjelizazino Planean erabili diran lau koloreak: orlegia, horia, urdina eta gorria dira edukinen ardatz. Jose Mari Kortazar abadeak konposatutako eta Ana Berrizbeitia Fede-zabalkunde eta Katekesirako Ordezkaritzako kideak Imanolen ‘Udazken …
Bokazinoen aldeko otoitzaldia, domekaz, Begoñan
Datorren domekaz, apirilak 28, bokazinoen aldeko Eukaristia ospatuko da Begoñako basilikan, arratsaldeko zazpietan eta eleizkizun horretan akolito eta irakurle ministerioa jasoko dabe diakonotzarako eta abadetzarako hautagaiei. Aurretik, bokazinoen aldeko ordubeteko otoitzaldia ospatuko da, 17:30etatik 18:30etara eta Juan Diego Fuentesek bere bokazino-lekukotasuna emongo dau.
Laiko-komunidadeen urteko batzar nagusia euren erronkak aztertzeko
Datorren zapatuz, apirilak 27, Laiko-komunidadeen Mahaiak batzar nagusia ospatuko dau, Sortze Garbia parrokian. Kristau komunidadeen erronkak: Jerusalemetik mundura goiburuaren haritik batuko dira goizeko 9:30etan. Carlos Gil eta Silvia Martinez Cano teologoek jardungo dabe hasierako kristau alkarteei eta historian zehar emakumeak Eleizan izan dauan egitekoari buruz. Talde-lan eta gogoetaren ostean, Eukaristia ospatuko dabe, Bilboko gotzaina buru dala, batzarrari amaiera emoteko.
ABA TAANOK bere musika solidarioa eskainiko dau
MUSIKA BIZIAK SALBATZEKO egitasmo humanitarioaren jatorria Kirekan dago (Uganda). Arduradunek azaltzen dabenez, "gure egitekoa kaleko umeei osoko laguntza eskaintzea da: heziketa, prestaketa eta musika eta dantza probatzeko aukera". Egitasmoaren finantzaketaren %70a ABA TAANO gospel-taldearen esku dago. Talde honek Eleizbarrutian jardungo dau egunotan, hasteko, gaur arratsaldez, 19:30etan, Bilboko Gizakundea eleizan. Sarrera, 12 euro ordaindu behar da.
Omenaldia Jose Luis Longarteri Indautxuko Karmeneko Ama parrokian
Gaur arratsaldeko seiak eta erdietan Indautxuko Karmeneko Ama parrokiako areto nagusian ospatuko dan ekitaldian omenaldia egingo jako Eleizbarrutian, Langile Pastoraltzaren arloan eredu izan zan eta 2023.eko ekainaren 4an hil zan Jose Luis Longarteri. Langile nekaezin eta konprometitua izan zan giza eskubideen, langileen duintasunaren autorpenaren, bakearen..., alde eginez etenbarik.
Etxe-langileek jasaten dabezan baldintzen salaketa 'Bizkaia isilik' bilkuretan
Apirilaren 28an, domekaz, ospatuko dan Gizalegezko Lanaren aldeko Eleizbarrutiko Eguna dala-eta, 'Bizkaia isilik' ekimenaren eskutik ospatuko dan hilabete honetako bilkuran etorkinek jasaten daben leneko behin-behinekotasuna salatuko dabe batez be. "Gehienetan etorkinek -eta honeen artean emakumeek- etxe-langile lez eta zaintzaile lez egiten daben lana, baldintza eskasetan egiten dabela salatu gura dogu". Aitatutako bilkurok gaur egingo dira, 19:30etan, ohiko lekuetan: Bilbon, Arriaga plazan; Portugaleten, Gregorio Uzkiano kalean; Barakaldon, Bide onera plazan; Galdakaon, Iturriondo plazan; …
"Euskal Biblioteka lagun askoren alkarlanari esker dago bizirik"
Atzo ospatu zan Labayru Fundazinoko bazkideen Batzar Nagusia, Adolfo Arejita Zuzendaritza-batzordeko presidenteak gidatuta. Laguntzaileek zein Eleizbarrutiko erakunde honen egitekoagaz bat datozan edo erakundetik gertu dagozan pertsonek parte hartu eben. Ekitaldian, Ander Manterola Euskal Bibliotekaren arima eta gorputzari autorpena egin eutsen eta besteak beste, honeek izan ziran: Bingen Zupiria jarduneko Kultura-sailburua, Leixuri Arrizabalaga Kultura-diputatua, Isaak Amezaga Euskerarako Bizkaiko Foru Aldundiko zuzendari nagusia, Begoña Ibarra Kultura-zuzendaria, Amaia Arregi eta Eider …
Adimen Artifiziala eta eskuizkribuak
Europar Parlamentuak joan dan martxoaren 13an onartu eban Adimen Artifizialari buruzko araudia. Gaur, Liburuaren Egunez, merezi dau Alkarren Barri-Comunicación aldizkariaren azken alean jasotako Jaime Lopez de Eguilaz Eleizbarrutiko liburutegiko arduradunaren gogoeta berreskuratzeak.
ETPIko liburutegian urtean maileguz gehien emondako liburuak
Apirilaren 23an, Liburuaren Eguna ospatzen da. Egun horretan hil ziran literaturaren arloko gizon bikain bi: William Shakespeare eta Miguel de Cervantes eta, beste urte batez, Bilboko liburu-dendek -tartean Jakinbide Eleizbarrutiko liburu-dendak- kalera atarako dabez euren liburuak. Eleizbarrutiko Teologia eta Pastoraltza Institutuak urtean maileguz gehien emondako liburuen barri emon dau.
Caritas Bizkaia eta Ingeteam, “Arizmendiarrieta Sariak Bizkaia 2023”
Gaur goizean banatu dira Deustuko Unibertsitateko CRAIn Arizmendiarrieta Sariak Bizkaia 2023 dalakoak,Arizmendiarrieta Kristau FundazinoaketaDeusto Business erakundeak antolatutako ekitaldian. Caritas Bizkaia erakundeak jaso dau irabazi-asmo bako erakundeei emoten jaken zaria eta enpresei dagokienez, Ingeteam izan da saritua.
Barikuz, 11 gaztek sendotza hartu eben gotzainaren eskutik
On Joseba Segura gotzaina buru izan zan joan dan barikuz Iurretako parrokian ospatu zan eleizkizunean. Bertan, Tabira Pastoral Barrutiko 11 gaztek sendotza hartu eben.