Aspaldikoren 25. urteurrena
Bertan bizi diranak eta herri eta eleiz agintariak batu ziran ospakizunean.
Jesus Mª Llona
Jesus Mª Llona Urquijo abadea hil da 91 urte ebazala.
Andoni Gerrikaetxebarria abade lagunaren esanetan, gizon eskuzabal eta langilea zan.
San Antonio Abata
Vaskoniako Atlas Etnografikoan jasoten danez, jai hau kritautasunaren aurrekoa da.
Gaur egun, Urkiolako santutegian eta Bilboko San Anton eleizan bedeinkatzen dabez abereak.
Elorrio, Triano, Urduliz, Zeanuri, Bakio edo Bermeon be era berezian ospatzen eben egun hau.
STEAM Azoka
STEAM Azoka ospatu da.
Ortuellako San Felix ikastetxean izan da azoka eta EBI sarean dagozan Eleizbarrutiko 17 ikastetxeetako mila ikasle inguruk parte hartu eban.
50 egitasmo baino gehiago aurkeztu dabe, zientzia eta artea buztartuz.
Garizumako lagungarriak
Ebanjelizatzearen Eleizbarrutiko VI. Egitasmoaren sustapenerako batzordeak Garizumako lagungarriak argitaratu ditu.
Sinodo-senari buruzko Sinodoaren Batzarraren txostenaren laburpenean oinarrituta dagoz.
Liturgiarako Eleizbarrutiko sailak be argitaratuko ditu lagungarriak aldi horetarako.
HOAC Bizkaia
HOAC Bizkaia mobimentuak 5 lehentasun ezarri ditu 2023-2025 biurtekorako.
Mobimentuaren zabalkundea, heziketa, alkarte egiteko apostolikoa, guztion onaren sustapena eta alkar zaintzea lehenetsi dira.
5 hilabete, 5 azpimarra
“5 hilabete, 5 azpimarra fededun lez bizitzeko”, harpidetzak lortzeko kanpaina barria.
Hilero, gogoeta eta bideoa aurkeztuko dira.
Sinodo-sena eta aitzindaritza
“Sinodo-sena eta aitzindaritza” mintegia, Eleizbarrutiko Teologia eta Pastoraltza Insititutuak (ETPI), Bikaritza Nagusiagaz batera, antolatuta.
Sei saio izango dira, urtarriletik ekainera, Barrian.
Kristauen Batasunaren aldeko Otoitz Astea
Gaur, ospakizun ekumenikoa katedralean, zuzenean web honen bidez.
On Joseba Segura izango da buru eta Eleiza ortodoxoko eta Erreformako Eleizako ordezkariek parte hartuko dabe.
Hauxe da Astekoak, Eleizbarrutiko barri nagusien laburpena.
