Sinodoaren ondorio eta argibideak jasotzen dituan azken agiria jasota, orain ideia horreek garatu eta ekintzara jotzeko ordua da. Gaurtik domekara arte, mundu osoko sinodo-taldeetako ordezkaria alkartuko dira Vatikanoan, kontu honen inguruan gogoeta eta lan egiteko.
Bilboko eleizbarrutitik, Sinodorako taldeko hainbat kide joango da: Idoia Perez de Mendiola (Sinodoaren eleizbarrutiko aldiko koordinatzailea), Manu Moreno (Karidade eta Zuzentasunerako ordezkaria), Estrella Moreno (ETPIko zuzendaria) eta Amaia Villarroel (Ekintza Katoliko Orokorra).
Hasiera, 15:00etan
Ekitaldiaren hasierako saioa gaur arratsaldez izango da. Zazpi inguru geografikotako ordezkariek euren lurraldeetan sinodo-sena garatzeko erronkak eta sartutako erronkak aurkeztuko dabez eta itauna egingo deutse Aita Santuari. Saioan, musika-emonaldia izango da A. Cristobal Fones SJ Aita Santuaren Otoitzerako Munduko Sareko zuzendariaren eskutik.
Bihar erromesaldia egingo dabe lehenengo eta gero tailerrak eta mintegiak, jarduera onak batera jarteko eta sakontzeko.
Domekaz, amaiera emongo jako ekitaldiari, gotzaina buru dala goizeko 10:00etan ospatuko dan mezagaz.
