Lourdeseko Andra Mari Bizkaiko Hospitalitateak urteak daroaz gaixoakaz, pertsona nagusiakaz eta akonpainamendua behar dabenakaz lan egiten. Horretarako askotariko jarduerak sustatzen ditu, baina urrian Lourdeseko Andra Mariaren santutegira egiten dan erromesaldi hau da ekitaldi nagusia.
Antolatzaileek azaldu dabenez, egun horreetan “benetako alkartea sortzen da eta gaixoek, hospitalitateko langile eta boluntarioek eta erromesek bat egiten dogu fede, otoitz, zerbitzu, poz eta Eleiz senean”.
1958tik hasita egiten da erregulartasunez erromesaldi hausociación de fieles. Orduan, Santa Bernardettek bizi izan ebazan agerpenen mendeurrena ospatu zan eta Erromesaldietarako Eleizbarrutiko Batzordeak sustatzen ebazan. Lourdeseko Andra Mari Bizkaiko Hospitalitatea fededunen alkarteak 1983an hartu eban antolaketaren ardura.
Hiru eratara parte hartu daiteke:
Berez, pertsona nagusientzat da erromesaldia. Hospitalitatetik azaldu dabenez, norbaitek joateko giza bitartekorik ez badau, “geuk jartzen dogu geure burua zuen esanetara”.
Boluntario lez. Euren esanetan, “200 boluntario inguru daukagu. Esperientzia bizitzeagaz batera, euren burua eskeintzen dabe urtero elbarri eta ezinduei laguntzeko”.
Erromes lez. Antolatzaileek eskeinitako ekitaldietan askatasunez parte hartzen dabenek.
Prezioa aldatu egin daiteke ostatuaren arabera. Gehiago jakiteko eta izena emoteko: 94 415 75 39.
