Gaur egungo gotzain taldearen lehenengo Pastoral Idazki bateratua da. Aurrekoa pandemia sasoian argitaratu zan. Orduan, Joseba Segura, Bilboko gotzain laguntzailea zan.
Gotzainek sinisdunei Eleizeak gaur egungo gizartean daukan agerpenaren inguruko hausnarketea egiten dabe.
Eleizak gaur egungo munduan dauan egitekoari buruzko gogoeta
Ideia nagusi batetik abiatuta, Eleizak gizarte garaikideagaz dauan hartu-emonari buruzko gogoeta sakona garatzen dau idazkiak: testigantza eta pazientzia ardatz dituan kristau presentziaren beharra. Idatzian zehar, gotzainek funtsezko gaiak jorratzen dabez, esate baterako, “Kristaudiko Eliza” batetik, gizarte anitz baten lekukotasun esanguratsua eskaintzen dauan komunitate bateranzko bidea.
Konfrontazino-jarreratik, eredu eta bizitza-koherentziaren eskutik, munduan argia eta gatza izango dan proposamenera igarotzeko beharraz egiten da gogoeta. Lehenengo kristauen pazientzia, fedearen eskutik euren testigantza apal eta koherentea hedatzea lortu ebenak, gaur egungo Eleizaren eredu baliagarria dira.
Fedea bizitzeko gakoak
Gizartean eragina izan nahi dauan Eleizaren, eta batez ere Ebanjelioa bizitzera deitzen dauanaren arteko kontrastea be, aztertzen dau idazkiak. Inposatu edo eztabaidan ibili beharrean, txikitasunetik eta benetakotasunetik, lekukotasun sinisgarria erakusten dauan Eleizaren garrantzia azpimarratzen da. Zentzu honetan, gotzainek, zorionbideen indar eraldatzailea, eta ebanjelizazinoarekin bat datorren kristau nortasun argi eta konprometitua berreskuratzearen beharra azpimarratzen dabe.
Idatziak Eleizaren historiaz eta modernitatearekin dauan hartu-emonaz hausnartzeko tartea be eskaintzen dau, kristautasunak giza duintasuna eta guztion ona bezalako funtsezko balioak garatzen zelan lagundu dauan aitatuz. Sekularismoan edo garrantzi sozialeko gehiegizko bilaketan deseginez, bere muina galduko dauan fedearen arriskuaz ere ohartarazoten da.
Garizumarako eta Pazkorako mezua
Pastoral idazki hau, Garizuma eta Pazkoa, eraberritze- eta bihurtze-senagaz bizitzeko gida lez eskaintzen da. Fededunei euren kristau bizitzaren berrikuspen sakona egiteko dei egiten jake, Jainkoaganako konfiantzan, eta Ebanjelioarekiko leialtasunean oinarrituz.
Idazkia, deiagaz amaitzen da, Eukaristiaren nagusitasuna eta alkarte lekukotasunaren garrantziaz barriro jabetzeko deiagaz. Testuinguru honetan, gotzainek, kristauak, euren fedea pozez bizitzera animatzen dabez, Eleizak munduan itxaropenaren seinale izaten jarraitzen dauanaren jakitun.
Euskeraz eta gaztelaniaz eskuragarri
Fededun guztientzat eskuragarri egongo da idazkia Hausterre egunetik, Garizumaren hasiera, eta Iruñea, Gasteiz, Bilbao eta Donostiako elizbarrutien webguneetatik lortu ahal izango da. Horrez gain, parrokia eta kristau-alkarteetan banatuko dira aleak.
Ekimen honen bidez, gotzainek, fedearen eta gizartearen arteko alkarrizketan laguntza emon gura dabe, fededunei, Garizuma eta Pazkoa sakontasunez, hausnarketaz eta konpromisoz bizitzeko deia eginez.
Testua euskeraz
Testua