Gernikaldea Pastoral Barrutiko (PB) Pastoral Batzordeak batzar nagusia ospatuko dau bere 10. urteurrena ospatzeko. Batzar nagusia zapatuz, abenduak 2, izango da, 11:00etatik aurrera, Gernikako Andra Mari parrokiako lokaletan. Batzarraren ostean, 12:00etan otoitzaldia egingo da Andra Mari parrokian eta 14:00etan, bazkaria izango da.
Zapatuko batzar nagusiaz gainera, eta urteurrena dala-eta, Ana Berrizbeitia teologoak Sinodoari buruzko berbaldia eskainiko dau gaur arratsaldez, Andra Mari parrokiako lokaletan, 19:30etan.
18 udalerrik eta 36 eleizak (parrokiak eta erantsiak) osotzen dabe Gernikaldea PBa.
