Sinodo-seneko Eleizari buruzko Sinodoak une erabakigarria bizi dau: garatzearena.
Horregaitik, Sinodorako eleizbarrutiko taldeak deialdia egin eban aldi barri hau sustatuko daben pertsonak atzemateko eta hezteko. Azaroaren amaieran, heziketa-saio bi egin ziran 100 lagun inguruk izena emon ondoren.
Material osagarriak
Gogoeta eragiteko, Sinodorako eleizbarrutiko taldeak Azken Agiriaren “Irakurketa-gida” prestatu dau. Gida horretan, funtsezko edukien laburpen argi eta ulergarria eskeintzen da. Sinodoaren sen nagusiak eta jardunbideak laburbiltzeaz gainera, Ebanjelizatzearen Eleizbarrutiko VI. Egitasmoagaz (EEE) beren-beregi zein puntutan lotzen dan azaltzen dau.
Agiri guztiak: hemen.
Komunikabideetarako eleizbarrutiko sailak bideoa aurkeztu dau une honen garrantziaz jabearazoteko: “Geure ordua da”. Deialdia eleztarrei lagun bakotxa, alkarteko kide bakotxa “ezinbesteko” dauan sinodo-seneko mobimentu honegaz bat egin dagien.
Hurrengo urratsak
Abenduan eta 2026ko otsailera arte, “bideratzaileek” lehenengo saioa deitu eta sustatuko dabe Sinodoko Azken Agiriaren inguruan berba egiteko eta sakontzeko. Lehenengo aldi hau amaitu ondoren, 2026ko otsailaren azkena eta martxoaren azkena bitartean, Pastoral Barrutiek egingo dabe deialdia hasierako saioan parte hartu dagien taldeak batu daitezan.
