Antolatzaileen esanetan, aurton, Migrazinoetarako Nazinoarteko Erakundeak emondako datuen arabera, 2.500 lagun inguru hil edo desagertu da Mediterraneoan eta Mendebaldeko Atlantikoan. “Ezin dogu ezikusiarena egin zoritxar honen aurrean”.
Urriko bilkuran be eskaera egingo jake doakien herri erakundeei: “indargabetu dagiela atzerritarren legea, Europara bizirik heltzea lortzen dabenak irregulartasun administratibora bultzatzen ditu-eta. Muga-politika anker eta bidebakoaren ordez, Giza Eskubideak ezarri dagiezala eskatzen dogu”.
Deitzaileek nabarmentzen dabenez, etorkin eta errefuxiatu askok kontratu barik lan egiten dabe eta ikusezin bihurtzen dira. “Beraz, ezinbesteko da langile lez dagokien duintasuna autortzea. Behar-beharrezko dabe, gainera, lana, etxebizitza duina, osarun-arreta eta aterpea jadestea, eta babes eta bakea euten etxera bueltatu ahal izateko”.
Hurrengo deialdia: Azaroak 18, eguaztena, 19:30etan.
