On Joseba Segura Bilboko gotzainak, Jorge Arevalo lanbide heziketarako sailburuordeak, Ainara Basurko ekonomia sustapenerako foru diputatuak eta Enkarterriko alkateek bisitatu dabez instalazino barriak. Euroi eta eurotan emongo diran gradu barriei esker, datorren kurtsoan 1.000 ikasle baino gehiago batuko da ikastetxean.
Eredu eskualdean
Luciano Cearsolo San Viator ikastetxeko aurkezpenean adierazo dauanez, une garrantzitsua bizi dabe birmoldaketa honegaz, bai ikastetxean bertan eta bai Enkarterri osoan be, izan be, berak esan dauanez, San Viator eragile eredugarri da eskualdeko gizarte-ekonomia sustapenean.
Gotzainak erakunde arteko lankidetza nabarmentzeaz batera, Gotzaitegia, azken hilabeteetan Ondarroako Arrantza Eskola eta Zeanuriko Zulaibar Campusa ikastegien zaharbarritzean biziki ahalegindu dala gogoratu dau. Lanbide heziketako sailburuordeak, bere aldetik, honako birmoldaketak lagungarri izango dira Enkarterriko eta Bizkaia osoko milaka gazteren etorkizuna hobetzeko.
Eusko Jaurlaritzaren lankidetzari esker –Berpiztu egitarauaren bidez-, ikastegiak eraikin barria jaso dau eta beste bat zaharbarritu, hiru gradu barri txertatzeko:’ Espezializazinoa ibilgailu elektrikoen mantenuan’; ‘Baso-kudeaketa eta ingurune naturala’ eta ‘Mendetasun-egoeran dagozan pertsonen aldeko arreta’.
