“Mufungaren Adiskideak” Fundazinoak hamargarren urteurrena ospatzen dihardu hainbat jardueraren bidez. Zapaturako, esate baterako Ondarreta korala protagonista izango dan kontzertua antolatu dau.
Fair Saturday
Azaroaren azken zapatuz, Black friday dalakoaren biharamunean, Fair Saturday ospatzen da. Egun honetan, artea, kultura eta gizarte enpatia lehenesten dira gizartean. Askotariko jarduera kultural eta solidarioak garatzen dira zapatuz gure inguruan. Egitaraua osorik: hemen.
Kontzertua San Bizente eleizan
Ekitaldian batu daiten dirua Mufungaren Adiskideak fundazinoaren esku itziko da. Kontzertu hau Fair Saturday jaialdiaren barruan ospatuko da, alkartasun eta konpromiso senaz. Bertaratutakoei dei egingo jake, heziketan aukera-bardintasuna sustatzen dauan helburuari lagundu deioen.
Sarrera doan da, baina itsulapikoak ipiniko dabez jenteak dirua bota daian. Aukera bikaina da musikaz gozatu eta helburu on bati laguntzeko!
Ondarreta korala
1967an Getxon sortu zan Ondarreta korala 52 ahots mistoz osatutako taldea da eta musikan bikaintasuna lortzea da euren helburua. Musika anitza interpretatzen dau: opera, zarzuela, eleiz musika eta euskal polifonia. Orkestra entzutetsuakaz jardun dau, esate baterako, Ukrainia, Cracovia eta Bilboko sinfonikoakaz eta Europa osoan eskaini ditu kontzertuak.
2015etik aurrera, Bilboko Koralean zuzendari lez pilatutako esperientzia emon deutsan Iñaki Moreno Navarro da zuzendari artistikoa. Anabe Hernandez Soengas kantu-irakasleak eta Lupe Lopez Castelo piano-jotzaileak be laguntzen dabe koralean.
Mundakan:
Zapatuan bertan, 19:30etan, Telemann Hirukoteak -“Joue de la musique francaise”- jardungo dau Mundakako Andra Mari parrokian, Cáritas Bizkaia erakundearen alde.
Susana Zabaco (sopranoa), Emili Catelo-Branco (Fliscorno, korneta) eta Patxi García Garmilla (organoa)
