Mª Jose Arana Jesusen Bihotza ordenako lekaimea, teologoa eta soziologoa da eta Lekaide eta lekaimeen eleizbarrutiko batzordeko (Confer-Bilbao) presidentea be izan zan 12 urtez, 1995 eta 2007 bitartean.
Liburuaren laburpena
María Magdalena kristau historiako pertsonaiarik entzutetsuenetakoa da. Hasierako Eleizan, aitzindari sena autortu eutsen alkarte batzuek, “apostoluen apostolu” lez eta Pedrori lehiatu ei eban bere Eleizan nagusitasuna jadesteko.
Denporaren buruan bere lekukotasunaren eragina gitxitu egin bada be, bere oroimenak eta sortzen dauan dobozinoak iraun egin dau historian zehar, bai geografian eta bai artean, literaturan, musikan, kondairan, liturgian edo homilietan be. Halanda be, orokorrean, bere buruaren alderdi erlijiosoa aszesian eta oinaze eta heriotzan lagun egitean finkatu zan eta ez hainbeste aitzindari eta apostolu alderdian.
María Jose Aranak maisutasunez lantzen dau bilakaera negatibo hau Maria Magdalenaren irudia aldarrikatzeko eta ebanjelioetatik kristautasunaren historiako aldi guztietan murgiltzen gaitu haren aztarnak bilatuz askotariko arloetan, besteak beste, ikonografian.
