Egitaraua
Kontzertu honetan, Maurice Durufle musikagile frantsesaren (1902-1986)lan esanguratsuenetako bi interpretatuko dira:
Choral varié sur le thème du “Veni Creator”, Op. 4, organorako bakarrik.
Requiem, Op. 9 (1947), bakarlari, abesbatza eta organorako.
Raquel Urquijo mezzosopranoa eta Karlos Etxaniz baritonoa izango dira bakarlariak. Aitor Biain izango da musika-zuzendaria eta Miriam Cepedak joko dau organoa.
Durufle frantses musikagile eta organista, irakasle be izan zan Pariseko kontserbatorioan. Bere musikak egundoko sentiberatasunez batzen ditu doinu gregorianoaren araztasuna, eta XX. gizaldiko zorroztasun melodikoa. Kontzertuan entzungo diran pieza biak bere musika dotore, espiritual eta adierazgarriaren adibide bikain dira.
Interpreteak
EHU Abesbatza
1977an sortuta, Euskal Herriko Unibertsitateko abesbatza ofiziala da. 2016tik aurrera, Aitor Biain Bidarte da zuzendaria. Bere ibilbidean, abesbatzak askotariko piezak interpretatu ditu -polifonia errenazentista, lan sinfoniko-koralak…- eta hainbat herrialdetan eskeini ditu kontzertuak. Azken urteotan, Affectus, Zure boza edo Ciamare lako programakaz arrakasta izan dau. 2024an, Donostiako Musika Hamabostaldian parte hartu eban Miriam Cepedagaz batera, hain zuzen be Durufleren Requiem interpretatuz.
Miriam Cepeda
Bilbon jaio zan eta Bilboko “Juan Crisostomo Arriaga” kontserbatorioan jadetsi ebazan goi tituluak pianoan, solfeoan eta musika-pedagogian. Gero ikasketa profesionalak egin ebazan organo eta klabezinean, Donostiako “Francisco Escudero” kontserbatorioan.Organoan titulu gorena jaso eban Musikenen notrik onenakaz.
Bihar -zapatua-, kontzertua Begoñan
Jaialdiaren bigarren kontzertua bihar -azaroak 8, zapatua- izango da Begoñako basilikan, Enrique Martin Laguna organistaren emonaldiagaz, 20:00etan.
Jaialdiko emonaldi guztiak: hemen.
