Lehenengo meza biak klaratarren Durangoko San Frantzisko monasterioan grabatuko dira eta beste biak iurretako San Migel parrokian parrokian. Biharamunean emongo dabez, goizeko 10:00etan.
Lau eleizkizunetan jardungo dau Iurretako parrokiako abesbatzak, Durangoko Orfeoiko hainbat kideren laguntzagaz. Gainera, monasterioko Eukaristia bietan, klaratar monjek esku-hartuko dabe.
Iurretan grabatuko diran mezetan Goiuriko Andra Mariaren irudia (XV. gizaldikoa) bertan izango da, hirurrena ospatuko da-eta. Ondoren, abuztuaren 15ean igoko dabe irudia.
Abuztuaren 15ean, Andra Mari egunez grabatuko dan meza Andra Mariari eskeinitako hirurreneko azken egunez da, beraz, Jose Maria Miangolarra lekuko musikagilearen Salve Regina abestuko dabe (1925ean konposatu zan). Meza honetan, PBko abadeakaz batera, herriko semeren batek be meza emongo dau.
