Miriam Cepedak (Begoñako organista) eta Lander Bilbaok (tinbalak) organorako moldatutako Johannes Brahmsen “Requiem alemana” interpretatuko dabe. Abestalde bik parte hartuko dabe, Brahms koralak eta Rossini abesbatzak eta bakarlari bokal bik, Olatz Saitua sopranoak eta Jose Manuel Diaz baritonoak. Gorka Sierra euskal musikagile eta abestalde eta orkestra zuzendari lanetan jardungo dau.
Hogei urtetik gora
“Miserere” ekitaldi kultural eta erlijiosoa Aste Santuaren atariko ohiko jarduera da. Orain dala 20 urtetik gora hasi zan Begoñako kofradia Garizuma-aldian, Begoñako santutegian, eleiz kontzertua egiten.
