Martxoaren 8an autorpena jasoko daben 8 emakumeetako batek lotura estua dau Ondarroagaz eta bere parrokiagaz. Hementxe bateatu eben eta bateatu ebazan bere seme-alabak. 1969an, emakumeen eta gizonen abesbatza sortu eben, ordura arte bakarrik gizonena zan-eta, Baina “fedean sakontzeko” benetako urratsa, joan dan urrian hil zan Jose Mari Rementeria abadeagaz emon eban.
Lehenengo katekista lez jardun eban, eta beranduago laikoei eskainitako hainbat heziketa eta ikastarotan partaide izan zan.
1995ean, Eukaristietan irakurten hasi zan eta handik urtebetera familia mezak zuzentzen eta abesten hasi zan. Bere ahotsa Bizkaia Irratiak Ondarroatik emoten ebazan mezetan entzuten zan, berak salmoak abesten ebazan-eta.
📌8 emakume. Gaur Mañarian eta Ondarroan.
— Bilboko Elizbarrutia (@DiocesisBilbao) February 12, 2024
📌La Iglesia en Bizkaia reconocerá a 8 mujeres el 8 de marzo. Hoy hemos estado con dos de ellas en Mañaria y Ondarroa. pic.twitter.com/f6XkbxFwsl
1999an, sendotzarako prestaketan ari ziran gazteakaz batera, Esklerosi Anizkoitza daben pertsonen aldeko kanpaina bultzatu eban herrian. Gotzaina buru dala, Eleizbarrutiko askotariko errealitateak batzen dituan Eleizbarrutiko Pastoral Kontseiluko kide izan da.
Jaunaren Eguneko ospakizuna egoitzan
Nekane Landaribarrek gidatu ebazan denporaldi batez Jaunaren Eguneko ospakizunak Ondarroako egoitzan. Pandemiak behartutako geldialdiaren ostean, gaur egun hiletetako eta asteburuetako liturgiaz arduratzen da.
