03-04-2025 Jueves, IV semana - cuaresma
Bizkeliza 5 Lehenengo Orrialdea 5 Olerki-errezitaldia Mufungaren Adiskideak fundazinoaren alde
02.04.2025

Olerki-errezitaldia Mufungaren Adiskideak fundazinoaren alde

Nekaldiaren kofradiaren, Abandoko San Bizente Martiria parrokiaren eta Hego Berria taldearen laguntzagaz, Mufungaren Adiskideak fundazinoak kontzertua eta olerki-errezitaldia antolatu ditu. Ekitaldia datorren zapatuz, apirilak 5, izango da, 19:30etan, San Bizente eleizan, ondorengo honeek partaide dirala: Latrup hirukotea erdi aroko musikagaz; Voces La Buena Letra, Lope de Vega, Fray Luis de Leon, Calderon de la Barca, Blas de Otero, Antonio Machado, Lorca, Leon Felipe, Jesusen Teresa Donea, Gustavo Adolfo Becquer, Andrea Uña, eta abarren olerkiakaz. Euskal idazleen olerkiak eta Kongoko Errepublika Demokratikokoak be entzungo dira. 

Antolatzaileek dei egiten dabe, ekimen interesgarri eta desbardin honetan parte hartzeko; sarrera doan da eta amaieran dirua batuko da, bakotxak egokitzat joten dauana emon daian egitasmorako.

Afrikara bialtzeko aitzurra, 10 €

Mufunfaren Adiskideak fundazinoak, Euskal Eleizbarrutietako Misinoakaz, eta Goikuria fundazinoakaz batera, urteak daroaz Afrikara aitzurrak bialtzen. Lanabes horreek munduko herrialderik pobreenetakoa dan Kongoko Errepublika Demokratikoko hego-mendebaldean dagoan Katanga probintziako Mufunga, Bunkeya eta Kanseniako nekazarientzat dira.

Fundazinotik azaldu dabenez, hauxe da “Aitzur bat Afrikara bialtzeko” kanpainaren helburua: “Katangako familia bakar bat be ez daitela lanabes hori eskuratu barik geratu, lurra aitzurtu eta jakiak lortzeko bitarteko da-eta”.

Legazpiko ‘Herramientas Bellota’ etxeari 5.000 aitzur eskatzen deutsez, gitxiago egitea ez da-eta errentagarria. Aitzurrengaitik ordaindu beharrekoari lur eta itsas garraioaren kostua gehitu ezkero, aitzuk bakotxeko 10 euro ataraten da. 

  • TITULARRA: FUNDACIÓN AMIGOS DE MUFUNGA / MUFUNGAREN ADISKIDEAK FUNDAZINOA

  • BIZUM: 00720
  • KUTXABANK: ES75 2095 0000 7091 1450 0130
  • LABORAL KUTXA: ES86 3035 0072 0107 2004 0384
  • LA CAIXA: ES40 2100 0732 2302 0108 0669

Mufungaren Adiskideak