Otxarkoaga ikastegia irabazi-asmo bako heziketa erakundea da eta Bilboko Gotzaitegia da erakunde titularra. Ikastegiaren sorrera eta Otxarkoaga bilbotar auzoarena eskutik doaz, izan be, auzo honek joan dan gizaldiko hirurogeiko hamarkadan Espainiako hainbat lurraldetatik Bizkaira lan eta bizimodu hobearen bila etorri zan jente asko hartu eban.
Lanbide heziketarako ikastegia 1964ko irailean sortu zan. Sasoi eta inguru haretan, ez egoan heziketa azpiegiturarik eta haur eta gazte ugariri heziketaren arloan erantzuna emotea izan zan bere helburua.
Atzo, iragana gogora ekarri zan, ikastegiari lotutako norbanako eta erakundeei esker ona adierazoteaz batera.
Kerman Lopez bikario nagusiak 60. urteurrenaren garrantzia nabarmentzeaz gainera, “aurreko istorioak” azpimarratu ebazan, orduantxe estutu ziralako lokarri guztiak. Heziketaren garrantzia be nabarmendu eban, “baita On Diegok berak jaso ebana be”.
📌Bikario nagusiak Kerman Lopezek, Berguices abadearen nondik norakoak azaltzen dauz.
— Bilboko Elizbarrutia (@DiocesisBilbao) November 20, 2024
📌El vicario general en la celebración del 60 aniversario del centro Otxarkoaga @CF_Otxarkoaga destaca la importancia del cura Berguices, quien puso a volar el centro y la importancia de la… pic.twitter.com/IZyJ0k3mgN
Liburuaren aurkezpena
“Historia del Centro Formativo Otxarkoaga” izenburua dau atzo aurkeztu zan liburuak. Atzo, aurkezpenaz arduratu zan Elena Martinezek idatzi dau eta Anabella Barrosok (Bizkaiko Eleizaren Historia Artxiboko zuzendaria) koordinatu.
📌Otxarkoagako eskolearen historiaren liburuaren aurkezpena.
— Bilboko Elizbarrutia (@DiocesisBilbao) November 20, 2024
📌Presentación del libro de la historia del centro formativo Otxarkoaga @CF_Otxarkoaga
Participa @AnabellaBarroso @AHEB_BEHA pic.twitter.com/al9M95jVVw
Juan Antonio Arrieta ikastegiko zuzendariak liburua argitaratzearen arrazoi nagusia azaldu dau hitzaurrean: “merezitako omenaldia eskaini martxan jarri ebenei”. Eta azkenean dinoanez, “gure aurrekoen bidetik aurrera jarraitu gura dogu gizatasunez betetako jarduera hezitzaile berezi eta bikain honetan”.
Omenaldia egin jaken ikastegiaren historiagaz lotura estua daben fraile kaputxinoen alkarteari eta Berrizko Mesedetako Misiolariei, besteak beste.
Argazkiak: hemen
