Eleizaren liburutegien hainbat herrialdetako alkarteek parte hartu dabe biltzarrean. Hain zuzen be herrialde honeetako ordezkaritzak: Frantzia, Italia, Polonia, Norvegia, Belgika, Herbehereak, Alemania, Finlandia, Suedia, Suitza, Erresuma Batua eta Irlanda, Hungaria, Urbe (Erromako Eleiz Liburutegiak) eta Espainia. Azken orduan, atxikitako azken alkarteak be, Kroaziakoak, bat egin dau.
Era berean, Ukrainako Lieveko Unibertsitate Katolikoak be parte hartu dau (bideokonferentziaz). Gerra dala-eta bizi daben egoeraren barri emon eben, BETH erakundearen diru-laguntza eskertzeaz batera. Laguntza horri esker, eta ahal daben neurrian, funts historikoak gordeten saiatzen dira eta eskura dabezan bibliografia-bitartekoen baseetara sartzea ahalbideratzen, ikasleak horreetaz baliatu daitezan.
Batzuk eta besteek egin dabezan zaintza- eta babes-lanak batera jarteaz gainera, beste honeetan be aritu dira: herrialde desbardinetan liburutegi eta erakundeakaz gauzatzen diran lankidetzarako hitzarmenak ezagutu, Ikerketarako Liburutegien Europako Partzuergoagazko (www.cet.org) eta American Theological Librarie Association (www.atla.com) alkarteagazko lankidetzan sakondu eta Eleizaren liburutegiek alkarteak mobikortasun eta immigrazinoaren testuinguruan batzeko eta buztartzeko daben egitekoaren inguruan gogoeta egin.
