Bizkaian, hainbat erakusketa jarri da jaiotzen inguruan. Petri Oleagaz hunkituta jaso eban Jaiotzazaleen Bizkaiko Alkarteak Pausoen museoan jarri dauan erakusketaren inaugurazinoan eskaini eutsan omenaldia.
Petri, noiztik dozu jaiotzak egiteko zaletasun hori?
Estalpeagaz hasi nintzan eta Bizkaiko Caritasen Elurra zentroan ipini genduan. Hurrengo urtean, erregeak egin nebazan. Lagun batek sustatu ninduan jaiotza egitera eta orduan hasi nintzan, pandemia aldian. Hauxe da egin dodan lehenengoa. Orain 92 urte dodaz eta orain dala urte bi hasi nintzan jaiotza lantzen.
Irudi guztiak kakorratzaz eginda dagoz?
Bai. Baina hainbat piezaren kasuan, esate baterako Herodesen gaztelua, kartoiz eginda dagoz eta, ondoren kakorratzez estalita. Bideoak ikusten nebazan tableean eta egiten ebena kopiatu.
Bizkaiko Caritasen boluntario lez
Katekista lez jardun neban Pilareko parrokian, eta senarra erretiratu zanean, alabak, Caritasen lan egiten ebanak, euren laguntzaren hartzaile ziranei kakorratz-lanak egiten erakustera bultzatu ninduan. Horretan hasi eta gustura aritu nintzan hogeta bost urte inguruz. Zorioneko izan naz eta atsegingarria izan da jenteagaz egotea. Azken urteetan, ehoziri-lanak egiten irakatsi neutsen.
