Jaialdi solidarioa Arantzazun
Zapatuz, Pobreen Munduko Egunari lotuta, jaialdi solidarioa ospatu zan Arantzazuko frontoian. Giro ederra, bertsoak, mini-musikala, dantzak eta txokolatada ospatu ziran besteak beste eta 8.000 euro batu ebezen Caritas Bizkaia erakundeak kudeatzen dauan Egunon Etxeaegitasmorako.
250 lagun Santutxun
Santutxu Pastoral Barrutian (PB), senide bazkari solidarioa ospatu eben atzo, “giro lasai eta atseginean, alkarte abegitsua eraikitzen jarraitu daigun”. 250 lagun inguruk parte hartu eban, batzuk ezin izan eben menua ordaindu eta bezte batzuk bat baino gehiago ordaindu eben ekitaldia ospatzeko.
Frantzisko Aita Santuak PMErako idatzi dauan mezuan, zera dinosku: “Gure urietan bizi eta gure alkarteetako kide diran pobreei zera esan gura deutset: ez galdu ziurtasun hau”, Jainkoak arreta eskaintzen deutsue zuetako bakotxari eta zuen ondoan dago”. Eta, antolatzaileen esanetan, “asmo horregaz ospatu dogu bazkari hau”.
Bazkalondoan Altrius magoak jardun eban eta partaide guztiek poz-pozik jarraitu eben bere emonaldia.
Gernikako San Bartolome parrokia
Atzo, barruan, Frantzizko Aita Santuak Pobreen Munduko Egunerako idatzitako mezuaren zati bat eroian botila txikia heldu zan Gernikako San Bartolome parrokiara. Mezu hau zabaltzea zan xedea: “Pobretasunaren aurrean, jarrera bi izan geinkez: axolagabekeria, hau da, ez begiratzea edo beste aldera begiratzea, edo alkartasuna, eskua luzatzea, mezu hau zabaltzea”. Bitilak mezaren amaieran banatu ziran
Behartsuaren eguna da-ta / urtero dogu dei bana, / Aita Santuak hau gogoratuz / mezua bota gugana: / “Behartsuaren otoitza heltzen / da Jaungoikoarengana”.
Abando-Albia PB
PMEaren astean, Abandoko San Bizente Martiria eta Xabierko San Frantzisko parrokietako lehen hezkuntzako 5. eta 6. kurtsoetako katekesiko taldeek munduan pobreziaz jantzita dagozan errealitateen inguruan gogoeta egin dabe.
Holako egoeren aurrean emoten dan gertuko erantzun bat ezagutzera emoteko, Caritas Bizkaia erakundeak umeei zuzendutako gizarte-eskola laguntzarako garatzen dituan egitasmoen barri emon eban Bego Martinezek. Eta alkartasunerako ekimena proposatujaken: eskola-materialak emon egitasmo horreen bidez behartasunean dagozan umeen artean banatzeko.
Horregaitik, atzo -domeka-, parrokia bietako familia mezan material guztia batu eben eta orain Caritas Bizkaia erakundearen esku itziko dabe. “Keinu txiki, baina esanguratsua, gure txikiei daukiena baloratzen eta premina gorrian dabezanakaz eskuzabal izaten lagundu deutsena”.
Erandioko San Lorentzo eta San Agustin parrokia
Erandioko San Agustin parrokiako lokaletan alkartu ziran 22 lagun eta pertsona batzuen lekukotasunak entzun ebezan.
Kongotik (herrialde aberatsa, tribuen artean, politikan…, askotariko gatzazkak, gerrak… dabez) etorritako Bernarrena: “nire herrialdean, dana ordaindu egin behar dogu. Gizonak lan egiten ez gadau, familia pobrea da. Nik ikasi egin neban eta unibertsitatera joan nintzan. Gatazkak eta pobretasuna hedatuta, urtetea da urteera bakarra! Eta galdera sortzen da: nora joan?, eta berehala erantzuna: ez jakin! Familiak dirua batzen dau, etorkizunean etorkizun gehiago etorriko jakolakoan eta hor hasten da “erromesaldia”: mugak, ilara luzeak, gehiegikeriak, lorik egin bako gauak, jateko bako egunak… Egunero pozik egon gura dot eta eskerrak emoten deutsadaz Jainkoari bizitzeagaitik, bizirik nago!, hori espero dot!
Covak migrazinoari buruzko gogoeta egin eban: Eskolta lez etorri ziran Euskal Herrira, “behartuta, ezkutatu behar, bildurra. Gatazka, atentatua egoan bakotxean, jenteak dei egiten euskun. Zelan zagoze? Denporaren buruan, bai garrantzitsua izan dala ondoan izan dogun jentea!”.
Fer, NIkaraguakoa: “Nire herrialdean, erlijiosoek, antolatzen diran kristauek, jazarpena jasaten dabe. Nire herriko abadea Erromara erbesteratu dabe. Nire nahia ez zan urten-migratzea eta nire anai-arrebena bez (batzuk EEBBetan dagoz, beste batzuk hemen, Espainian). Bost urtetan ikusi ez dodan semea daukat. Konfiantza izaten ikasi dot. Jente ona dago. Niretzat garrantzitsua da entzun-onartuko nauan jentea”.
Gloritxu: “Monjak, gure bokazino eta zerbitzuagaitik, prest gagoz zabaltzeko, abegi egiteko.Hortxe bizi izan neban beste lagun batzuek be errezelo eta bildurrak gaindutu egin leikiezala. Bai, ‘larrialdiaren’, iluntasunaren ostean eta (hortxe ikusi neban), ‘hodei artean ahaltsu eta aintzatsu datorren Gizonaren Semea’ ikusiko dabena”.
Matilde, Kolonbiakoa: “Nire herrialdean, bildurra dogu. Bidean, eutsi, entzun egiten gaituen lagunak aurkitzen doguz… eta iluntasunean eta isiltasunetan…, uste osoa Jainkoarengan, Jauna, egin bedi zure nahia”.
Vivi: “Aurton, Pobreen Munduko Egunaren inguruan izan dogun batzarrean, esperientzia honetan bat egiten gaituana batera jarteko aukera izan dogu: entzutea!, isiltasunak apurtzea, abegia izatea, otoitzaren indarra”.
Lekeition
Jaunartze osteko eta kristau sarbideko neska-mutikoek harrera egin eutsen pastoral barrutiko talde biri. Alkarregaz gogoeta egin eben Pobreen Munduko Egunaren senari buruz.
Txinatar alkartea
Bilboko Eleizbarrutiko txinatar alkarte katolikoak be bat egin eban atzo Pobreen Munduko Egunaren inguruko otoitzean, ume, gazte eta helduakaz egindako jardueretan. Eta amaiera lez, Eukaristia ospatu eben Bilboko Karmeneko Ama eleizan.
