Bizkaiko hainbat monasteriotan eskaintza zabala dabe gozoetan. Gabon-aldian, eskari guztiei erantzuten saiatzen dira. Izan be, egun berezi honeetan, ez da gozokirik falta eta monjek egiten dabezanak, apartekoak dira, eskuz eginda dagoz eta otoitzez bedeinkatuta.
Bakotxak bere berezitasuna dau, esate baterako, Elorrion ‘Berriotxoa-tarta’ egiten dabe, zehazten dabenez, “San Markos tarta bezalakoa da, baina gorringoaren ordez, limoizko krema daroa”. Basurtuko kaputxinoek 2019an hasi ziran gozogintzan, “bizirik irauteko”, eta harrezkero bizkotxoak, teilak eta mostatxoiak egiten dabez. Orain, Errege bezperan, errege-opilak egiten dihardue, “natagaz eta hain barik”.
Loiuko San Jose monasterioko mesedetakoek Gabon aldirako gozokien eskaintza zabala dabe; polboroiak, Lañomendiko arrokak, “ur, gurin, esnezko txokolate eta txokolate baltzez egindakoak”.
Begolako Moniketan, agustindarrak, denda zabaldu eben 2020an eta gozokiez gainera, monja batzuen jatorria dan Tanzanian egindako gauzak saltzen dabez.
Telefonoz egin daitekez enkarguak
Elorrioko domingotarrak: 94 682 04 55
Basurtuko kaputxinoak: 94 427 13 03
Loiuko mesedetakoak: 94 454 13 66
Begoñako agustindarrak: 94 445 87 30
