Langile Pastoraltzak dei egiten dau aurton, minutuko isilunea egin daiten laneko ezbeharren biktimen alde, hain zuzen be, apirilaren 23ko -fomeka- Eukaristiak amaitzeaz batera.
Langile Pastoraltzak ‘ egun honen inguruan kaleratu dauan Aizu!!!’ agerkariaren 90. alean azaltzen dauanez, ezin dogu etsia hartu lanean osasuna eta bizia galtzen dabenen aurrean: “Ezinbestekoa da, lanari lotutako heriotza eta zaurien kopurua jaistea. Ez dira datuak, pertsonak dira”. Gehiago jakiteko: hemen
‘Aizu!!!’ agerkariak laneko ezbehar-kopuruaren inguruko datuak be jasoten ditu:
- Estatuan, 41.500 langile hil dira azken 35 urteetan
- 2022an, Estatuan 1.196.425 ezbehar gertatu zan lanean eta 826tan langileak hil egin ziran. Euskal Autonomia Erkidegoan (EAE), 38.166 ezbehar egon ziran eta 30ek langileen heriotza ekarri eben.
- Osalanen datuen arabera, EAEan 8 lagun hil dira 2023ko urtarrilean eta otsailean.
“Hildako gehiago ez lanean!, eta ahalegindu gaitezan lortzen” goiburua dau Karidade eta Gizarte Ekintzarako Gotzain Azpibatzordeak, Frantzisko Aita Santuak 2021eko Gabon-baueko Mezako homilian egin eban deia jasoz, egun honetarako atara dauan mezuak.
