Bihar, San Anton eguna, etxeko animaliak bedeinkatu ahal izango dabez Bilbon, arratsaldeko seietan.
Pandemiak eragindako etenaldiaren ostean, barriro batuko dira San Anton eleizan erritoa errepikatzeko.
Urkiola
Urkiolan, osasun-larrialdian be ospatu izan dabe animalien zaindariaren eguna, unean uneko neurri egokiak hartuz. Bihar, Imanol Atxalandabaso abadea eta Antonio Madinabeitia misiolaria buru dirala ospatuko dan eguerdiko 12:00etako Eukaristiaren ostean, animaliak bedeinkatuko dira eta, ohiturari jarraituz, baita ogiak be, gero banatzeko.
Urtarrilaren 15ean, domekaz -errepikapena-, Fernando Diaz Abajo Sevillako abadea buru dala ospatuko da eukaristia 12:00etan. Abade hau HOAC mobimentuko (Ekintza Katolikoko Langile Ermandadea) kontsiliarioa da eta sarri egoten da Urkiolan. Ospakizunean, ogiak bedeinkatuko dira.
