Noticias

Frantzisko Aita Santua buru izango da gaur eguerdiko 12:00etan Erroman Laudato si’ Asteari hasiera emoteko egingo dan otoitzaldian. Ospakizuna zuzenean eskainiko da web orrialde honetan.

Astean zehar webgunean argitaratutako barri nagusiak laburbilduta eskaintzen deutsuguz. Bizkaiko Eleizan asko dira aurrera eroaten diran ekimenak eta webgunean euron arteko batzuk baino ez dira batzen. Zure parrokian, erakundean zein eleiz alkartean gertatzen danaren barri emoteko helbide honetara idatzi zeinke: komunika@bizkeliza.org

Bihar, maiatzak 22, Gaixoaren Pazkoa ospatzen dau Eleizeak. Horren harira, hainbat jarduera antolatu dira Eleizbarrutian. Osasun Pastoraltzatik ezezeguna dan sakramentua: `Gaixoen Oliadura´ emon gura dabe ezagutzera. Horretarako zer dan eta zer ez dan azaltzen dauan agiria prestau dabe. Zer dan? Jaungoikoaren salbamena eta parkamena jasoz, gaixotasuna kristautasunez bizi izateko sakramentua. Zer ez dan? Ez da berez, bizitzaren azken unerako sakramentua. Bestalde, maiatzaren 25ean, arratsaldeko bostetan, Karmengo parrokiako aretoan bakardadearen inguruko berbaldia eskainiko dau Pili Castrok, …

Monica Melcova eslovakiarrak jardungo dau gaur 20:00etan Begoñako Basilikan ‘Diego de Amezua’ organo-jaialdiaren 10. ekitaldiko emonaldi baten. Melcovak Louis Vierne, Cesar Franck, Maurice Ravel eta Johan Alainen lanak interpretatzeaz batera bat-bateko jarduna be eskainiko dau.

Kartzela Pastoraltzaren Bidesari alkarteak 2022ko Bake Topaketa ospatu eban joan dan asteburuan, Galo Bilbao Bake eta Adiskidetzerako Eleizbarrutiko arduraduna eurakaz zala. Gainera, “Esan ez” droga-mendekotasunak prebenitzeko egitasmoa garatzen dihardue, aste honetan eskolapioen Bilboko ikastetxean, DBHko 4. mailako ikasleakaz.

Bilboko Alkarte Koraleko Euskeria abesbatzak, Deustuko Unibertsitateko abesbatzak eta Ibarrekolanda BHIko Eskolan Kantari abesbatzak kontzertu solidarioa eskainiko dabe gaur, 20:00etan,  Jesusen Bihotza eleizan (Urkixo zumardia, 7). Batu daiten dirua Alboan GKEaren esku itziko da Ukrainiako larrialdiari erantzuteko erabili daian.

Espiritu Santuaren inguruan erdigunetu dau gotzainak gaur abade eta diakonoei zuzendu deutsen gogo-jarduna. Bikaritza guztietatik Bilbora etorritako kleroa batu da zati bitan banatu dan goiz osoko jardunean. Parte hartzaileen artean 96 urteko Jose Angel Ubieta, bikario nagusi ohia eta Álex Andreu, Bizkaiko abaderik gazteena be egon dira. Azkenaldian behin baino gehiagotan zabaltzen dabilen mezua itxi dau gotzainak topaketan: Eleiza barruan aniztasuna aberastasuna dala eta zenbat eta aniztasun gehiago orduan eta hobeto. 

Eleiz Artxiboaren zuzendariak, Anabella Barrosok eta Cristina Castillok, bertako  teknikariak, hartuko dabe parte gaur eta bihar Madrilen Gotzain Konferentziako Ondare Kulturalaren azpibatzordeak eta Espainiako Eleizearen Artxiboetako Alkarteak eratutako jardunaldi teknikoetan. Praktika onak alkarbanatuko dabez, besteak beste, egun biko topaketa honeetan, baina horrez ganera, teknologia barriek eta adimen artifizialak eskaintzen dauazan aukera parebakoak be izango dabez aztergai.

Justizia eta Bakerako Batzorde Nagusia Arma Nuklearrak Deuseztatzeko (ICAN) Nazinoarteko Kanpainaren barruan dago 2018tik, eta laguntza eskatzen deutse Arma Nuklearrak Debekatzeko NBEaren Hitzarmenari. Gutun irekia eta konpromisoa idatzi dabez sinatzeko (gutuna edo konpromisoa edo biak) eta kopia juspax@juspax-es.org helbide elektronikora bialtzeko. Gainera, konpromiso hau kristau alkarteetan sustatzea be gurako leukie.

Pili Castro, Caritaseko Nagusien arloko arduradunak berbaldia emon dau asteon Gernikan bakardadea dala-ta. Gaixoaren Pazkoa ospatuko da domeka honetan eta horri begira, Bizkaiko pastoral barruti baten baino gehiagotan honen inguruko ekitaldiak antolatzen dihardue. Castro Bizkaia Irratian martitzenero Eleizako gaiei eskaintzen deutsen tartean egon da eta arazo honen inguruko zehaztasunak emon dauz.