Noticias

Atzo, San Roke egunez, Bilboko gotzainak lehenengoz ospatu eban mezea Kolitza mendian dagoan ermitan. Kolitza bost deiadar-mendien arteko bat da; Oiz, Sollube, Gorbeia eta Ganekogortagaz batera. Antzinako garaietan, Bizkaiko herrietako ordezkariak, Foruak eskatzen ebana jarraituz, Gernikako Batzar-etxean bildu behar ebenean,  bozina bidez egiten jaken deia.Kolitza 879 metrotara dago eta Enkarterriko mendirik esanguratsuena da. Bertan dago San Rokeri eskainitako ermitea be eta han ospatu eben atzo sinisdunek zaindariaren eguna gotzainagaz batera.

Ukrainako gerraren inguruko barriak intentsidade gitxiagoz zabaltzen badira be, bonbardeoak ez dira eten. Sei hilabete eta gero, ukrainiarrek ez daukie bakerik. Hasiera baten bertatik atara ziran herritarrak ugari izan ziran. Bizkaira euren arteko batzuk heldu ziran. Bizkaiko Caritasek, Eguzkiloreren bitartez Derioko eraikinean egokitu eban eurentzako tokia. Oraindino bertan dagoz. Amaia Porres, arduraduna horren barri dakar.

Gaur, San Roke egunez etxeko animalien eta gaixoen zein izurriteen zaindariaren egunez, Begoñako basilikan eskegita dagoan margoan erreperauko dogu. 1860an, Ramon de Elorriagak margotutakoa da. Bost urte lehenago izurrite handia egon zan Bizkaian eta ehundazak lagun hil ziran. Margoan ikusten danez, Begoñako Amatxu atara eben prozesinoan izurrietegaz amaitzeko eskatuz.

La obra musical `Hazia´, que se estrenará el próximo 17 de septiembre en Arrasate es una recapitulación de la vida y obra de Jose María Arizmendiarrieta y sus válidas enseñanzas para el presente y futuro. Comienza el espectáculo musical con la semilla como brote y sentido que le dio nombre al hombre. El musical es una presentación artística del presbítero que fue el inspirador e impulsor del modelo cooperativo de Mondragón. Una obra dirigida, escrita y musicada por Gontzal Mendibil. Se estrenará en el teatro Arriaga de Bilbao el próximo 1 de octubre.

Aurrera darrai Andra Mariaren Zeruratzearen egunak Bizkaian, Begoñako basilika zabalik dago goizeko lauretatik, lehenengo erromesak mezatara heldu diranetik. Goiz parteko ospakizunak amaitu dira, baina arratsaldean barriro bostetan egongo da lehenengoa eta holan orduro, gaueko bederatziak arte. Pandemia aldian, beste modu batera, toki mugatuakaz, baina ez eban etenaldirik izan jaiak. Aurton, igarri da bai beste egoera baten gagozana. Milazak sinisdun eta ohiturazale hurreratzen dabilz Amatxuren oinetara. Bilboko gotzaina eguerdiko meza burua izan da. Bilboko alkatea eta beste agintari …

On Joseba Segura Bilboko gotzaina izango da buru hamabietan Begoñako basilikan ospatuko dan meza nagusian. Bertan izango dira agintari instituzional batzuk be. Miriam Cepeda santutegiko organo joleak lagunduko dau liturgian eta Beti Jai Alai dantzari taldean ohorezko aurreskua dantzatuko deutso Amatxuri. 

Gaur, milazak izango dira goizaldeko lauretan hasi eta gaueko bederatzietara arte Begoñako basilikara joango diran erromesak. Andra Mariaren Zeruratzea Amatxuren, Bizkaiko zaindariaren oinetan ospatzea usadioa da aspalditik. Santutegian Amatxuren irudia gordetzen da baina badagoz beste elementu bitxi batzuk be barruan. Besteak beste, Jose de Echenagusiak 1902an margotu eban kuadro bat. Bertan, sasoiko pertsona ezagunak ageri dira. Ezagutu gura dozuz? Enrique Francok, basilikako sakristauak ondotxo ikertu dau.

Bizkaian eleizarik gehienak Andra Mariri eskainitakoak dira. Bhar, Amabirjinearen Zeruraretzearen egunez ospakizunak izango dira eleiza barruetan eta kanpokaldean be. Bizkaian Begoña izango da sinisdun gehien batuko dauazala eta ugari goizaldean atarako dira oinez erromesaldia egiteera. Lehenengo mezea bihar goizeko lauretan hasiko da. 

Atzo, urte biko etenaldiaren ostean, Erruki Etxeak bere zaindariaren eguna ospatu eban. Santimami da nagusien etxeko santua, han egon zalako berari eskainitako ermita bat. Kerman Lopez, Bikario Nagusia izan zan meza burua atzoko ospakizunean. Bere homilian, bakotxaren bizitzan zehar bidelagun izan doguzanak gogoratzeko eguna zala adierazo eutsen bertan batutako nagusiei. Izan be, eurak izan ziran atzoko protagonistak Etxeko beharginakaz batera, eurentzako be omenaldi eguna izan zalako. Bilboko alkatea, Juan Mari Aburto be egon zan ospakizunean parte hartzen.