Noticias

On Joseba Segura Eleizbarrutiko gotzaina buru dala, hainbat abadek abadegintzaren Platino, Diamante, Urre eta Zidarrezko Ezteguak ospatu dabez gaur eguerdian Begoñako basilikan. Gotzainak, homilian esan dauanez: “Inork ez ditu aukeratzen ez bere misinoaren testuingurua ezta hartzaileak be. Sasoi bakotxak bere arazoak ditu, baina Jainkoak abade onak emoten deuskuz euren alkarteak maitasunez eta zentzunez zerbitzatu daiezan. Euren bizitza Jaunaren kurutzearen misterioaz itxuratu gura izan daben eta orain be gura daben abadeak. Eskerrak emongo deutsaguz Jaunari Eleizari oparitu deutsan …

Gaur Artxiboen Munduko Eguna ospatzen da. Honen harira, hainbat ekitaldi egongo dira mundu osoan. Eleizbarrutiko Artxibo Historikoak eta Artxiboen Eleizbarrutiko zerbitzuak bat egin dabe ospakizunagaz genealogiaren inguruko ikerketarako zerbitzu barria jarrita. Euskadin gehien erabilten dan Artxiboa, Eleizakoa da. Derion dago kokatuta gaur egun eta Bilboko erdigunera eroango da egoitza bakarra egiten danean.

Antonio Uriarte bermeotarrak 70 urte betetan dauz abade egin zanetik. Gaur, beste batzukaz batera, Begoñan egingo dan ospakizunean egongo da. 12 t´erdietan mezea egongo da basilikan on Joseba Segura gotzaina buru dala. Gaur egun ez dagoan pastoraltza baten ardurea izan eban luzaro: Itsasokoa. Itsasontzi barruetan kanpaina laburrak eta luzeak egiten ebazan arrantzaleakaz batera. Alkarren Barri aldizkariaren ekaineko zenbakian berari egindako alkarrizketea argitaratzen da. 

On Joseba Segura gotzaina buru dala bihar eguerdiko 12:30etan Begoñako Basilikan opatuko dan Eukaristian abadegintzaren 70., 60., 50. eta 25. urteurrenak ospatuko dabez.

Bilbo Zaharra Euskaltegiak urtero Arriaga Antzokian antolatzen dauan `Klasikoen Irakurketa Jarraitua´ eguerdiko 14:00etan amaituko da. XV. edizino honetan, Ramon Saizarbitoria idazle donostiarraren `Martutene´ eleberriari eskaintzen jako tartea, berau argitaratu zanetik 10 urte igaro diranean. Idazleak berak emon deutso hasierea jarraikako irakurketeari. On Joseba Segura gotzainak, zortzi t´erdiak aldera irakurri dau, Bartzelonako Euskal Etxekoei txandea hartuz. Goizeko lehenengo orduan Euskaltzainburua, Andres Urrutia; Kultura sailburua, Bingen Zupiria edota Miren Agur Meabe,  Espainiako …

Bihar –ekainak 9, eguena-, 19:30etan, P.R.A.Y. Station bokazino-topaketaren azkenaurreko saioa ospuko da Barria eraikinean (Plaza Barria, 4. Bilbao). Izena emoteko, nahikoa da ondorengo helbidera idaztea: pastoralvocacional@bizkeliza.org

Zapatu honetan, hilaren 11an, on Joseba Segura gotzainak Jesusen Konpainiako zazpi abaderen ordenazinoa ospatuko dau. Ospakizuna Jesusen Bihotzaren eleizan izango da 12:30etan. Bestalde, abade biren ordenazinoak egongo dira Bilboko katedralean ekainaren 25ean eguerdiko 12:00etan. Hurrengo zapatuan ordenatuko diranen arteko bat, Francisco de Borja Miró Madariaga, Bilbon jaiotakoa da. Meza barria ekainaren 12an ospatuko dau Begoñako Amaren ikastetxean, goizeko 11 ta´erdietan.

Atzo eta gaur on Joseba Segura gotzaina Gipuzkoa aldetik dabil Eleizbarrutiko abade eta diakono batzukaz. Urtero antolatzen izan da honako topaketa bat azken ordenatuakaz eta aurton Loiolako San Inazio jaio zan tokian hasi dabe txangoa. Gaur Donostiara joango dira.

Lehenengo Jaunartzeakaz eta katekesiko kurtso amaierako jaiakaz batera, makina bat jarduera izan da ekaineko lehenengo asteburuan, besteak beste: Eleizbarrutiko Pastoral Kontseiluaren Saioa; jaialdi solidarioa Barakaldo Pastoral Barrutian; Ekintza Katolikoaren Eguna eta EKO Eguna Balmasedad; kristau sarbideko sakramentuen ospakizuna, gotzaina buru zala, katedralean eta Gurutzetan eta gizarte azoka San Ignacio Pastoral Barrutian.