Hizlariak azaldu ebanez, ezinbestekoa da aldi guztiak zentzunez bizitzea, gogobetetasuna eta osotasuna sortuz. Zahartzaroan, makaltasuna hiru eremutan agertu daiteke: “nortasun-krisia”, “kidetasun-krisia” eta “burujabetasun-krisia”. Horregaitik -esan eban-, bizitzan etenbarik kokatu beharra dogu.
Zentzuzko hiru erantzun be aurkeztu ebazan:
Erantzukizuna: ‘ni’ alderdia, ‘gu’ alderdia barriro eratu eta norbere bizitzarako egitasmoa.
Espiritualtasuna: itxaropenari gogor helduz, zerbait ondo atarako dala uste izateaz batera, eta batez be, zerbaitek zentzuna dauala sinistuz, edozein izanda be emaitza.
Erlejinoa: zainduta, babestuta sentitu eta, zehatz-mehatz kristau esperientzian, Jesusen bizitzeko eta hiltzeko eredua. Azken batean, konfiantza.
Amaitzeko, Erromatarrei idatzitako gutunaren txatala (8, 38-39) irakurri eta hausnartu eben: “Ze, ondo seguru dakit, ez heriok eta ez bizik, ez aingeruk eta ez goiko beste indarrek, ez oraingok eta ez gerokok, ez ezelako agintek, ez ortziko eta ez lur azpiko indarrek, ez beste izakik, ez gaituana aldenduko Jainkoak Jesu Kristo gure Jaunagan agertu deuskun maitasunetik”.
