Barriak
Etiquetado como: Alkarren barri
Pazko zoriontsuak! Alkarren Barri aldizkariaren kolorezko azalean
Gaur, apirilak 1, Alkarren Barri Elizbarrutiko aldizkariaren ale digitala argitaratzen da. 302. zenbaki honetan hainbat eduki aurkitu zeinke. Aldizkaria on Joseba Segura gotzainak Aste Santu hasieran egindako hausnarketa azaltzen da. Bertan Gaza eta Zisjordanian hilten dagozan milazak lagun hartzen dauz kontuan, besteak beste. Bestalde, Vicente Larrea eskulturgilearen oroimena …
'Alkarren Barri' aldizkariaren ale 'borobila'
Gaur argitaratu da hasi barri dogun hilari dagokion Alkarren Barri - Comunicación aldizkariaren alea multimedia edukiagaz. Azalean, 300 zenbakia osotzen daben hiru globok gaur kaleratu dan alearen zenbakia gogoratzeaz gainera, begirune eta esker ona adierazo gura deutse orain dala 34 urte lehenengo harria jarri eben eta gaur egun egitasmoari eusten deutsen norbanako, erakunde …
Alkarren Barri aldizkariak Egitasmoaren koloreakaz margotu dau 2024a
Alkarren Barri - Comunicación aldizkaria 300. alera gerturatu da, 2024.eko urtarrilaren 1ean 299. aldea kaleratu da-eta. Komunikazinorako sailak urte barria opa deutsue, era batera edo bestera, aldizkariagaz lotura dozuenoi: irakurle, laguntzaile, parrokia, erakunde, iragarle, diseinatzaile, sail, ordezkaritza, inprenta... Eskerrik asko guztioi hogeta hamar urtetik gorako …
Sarean da Eleizbarrutiko aldizkariaren kurtsoko lehenengo alea!
Alkarren Barri Eleizbarrutiko aldizkariaren urriko alea eskuragarri da online gaurtik aurrera. Kurtsoko lehenengo aldea da, etxeetara atzerapenez helduko dana, kurtso hasierako ekitaldia be jaso gura izan dalako argitalpena itxi aurretik. Sareko agerkariak joan dan irailaren 30ean Markina-Xemeinen ospatu zan 'Goazen!' kurtso hasierako ekitaldiaren multimedia informazinoa …
Hurrengo 'Alkarren Barri-Comunicación', urrian
Gaur argitaratu da Eleizbarrutiko aldizkaria euskarri digitalean. Ekainari dagokion alea, kurtsoko azkena da. 295. aleak Bizkaiko Eleizako gaurkotasun-barriak jaso ditu, ohikoa danez. Alkarrizketen sailean, bi nabarmentzen dira: David Garrido abadegaiari eta Filo Hirota Berrizko Mesedetako Misiolariari egindakoak nabarmentzen dira. Lehenengoa, datorren uztailaren 2an abade …
Maiatzaren 1a Alkarren Barri aldizkarian
Gaur, maiatzak 1, Alkarren Barri-Comunicación aldizkaria kaleratu da euskarri digitalean, askotariko gaiak jasoz. Radio Popular-Herri irratian laneko ezbeharren inguruan ospatu zan solasaldia da hileroko agerkarian nabarmentzen dan gaietako bat. Maiatzari dagokion 294. ale honetan, beste hainbat gai be landu da, esate baterako, Alkar Kutxaren 50. urteurrena edo maiatzaren …
Zer dira Aste Santuko monumentuak?
'Alkarren Barri' aldizkarian hilero jasoten dan Bizkaiko Eleizaren Historia Artxiboak azken alean aurkeztu dauan artikuluan, arkitektura iragankorarren adierazpenetako batzuen inguruko usadioa azaltzen da: Aste Santuko monumentuak. Monumentuok ipini eta Eguen Santutik Bariku Santura irauten eben. Eleizako albo bateko kaperan ipinten ziran, altara baten gainean. Altara horretan …
Alkarren Barrin, otoitzaldiaren biharamuna
Gaur, apirilak 1, Komunikazinorako Eleizbarrutiko Sailak Alkarren Barri aldizkariaren argitalpen digitala kaleratu dau. Apirilari dagokion 293. alean, Eleizbarrutiko barri nabarmenak jasoten dira, besteak beste gotzainak Bilboko Kofradien Ermandadeari Aste Santua dala-eta bialdu deutsen mezuaren pasarte batzuk eta Ermandadeko presidente izendatu barri daben Luis Olaortuari …
Martxoko aldizkari digitalak Gorbeiako kurutzeraino garoaz
Gaur argitaratu da Eleizbarrutiko aldizkariaren martxoko alea euskarri digitalean. Garizuma-aldiari ekinda, azalak Gorbeiara igoteko dei egiten deusku. Elurtutako gailurrean, eguzki-izpiez argitutako kurutzearen aurrean geratuko gara. Testuinguru ederra, otoitz egiteko, hausnartzeko eta bihotz-barritzera garoazan aldi honetan murgiltzeko. Erdiko orrialdeetan, aurton, …
Bake Topaketaren IX. ekitaldia Alkarren Barri aldizkariaren azalean
Gaur, otsailak 1, Alkarren Barri - Comunicación aldizkariaren otsaileko alearen agerkari digitala argitaratu da. 291. alearen azalean, Bake Topaketaren IX ekitaldirako prestatutako kartela ikusi daiteke. Esku Elkartuak erakundeak sustatzen dauan gosearen aurkako kanpainaren ingurukoak be jasoten dira hilabete honetako agerkarian. Kanpaina horren barruan, Amerikan eta Afrikan …
Solasaldi-kafea nagusien gizarte hartu-emonen garrantziari buruz
Gaur arratsaldeko bostetan, solasaldi-kafea ospatuko dabe Bilboko San Fernando parrokian. Pertsona nagusiei zuzendutako jarduera da eta Abando-Albia Pastoral Barrutiko CARITASek sustatzen dau.
Derion ospatuko dan ekitaldi nagusiagaz emongo deutse hasiera Eleizbarrutiak 75. urteurreneko jarduerei
Web orrialde honetan atzo barri emon genduanez, Bilboko Eleizbarrutiak bere sorreraren 75. urteurrena ospatuko dau datorren kurtsoan. Hori dala-eta, hainbat ekitaldi esanguratsu antolatu da, iragana gogora ekarteaz batera, etorkizunerako oinarriak jarteko asmoagaz. Lehenengo ekitaldi nagusia irailaren 28an izango da, leku esanguratsuan: Derioko Seminarioko kapera nagusia. Leku hori beren-beregi egokituko da ekitaldirako, izan be badira hogeta hamar urte erabilten ez dana. Tenplu eder eta ikusgarri honek sei arkupez antolatutako nabea dau eta hormak adreiluz eta Jose Maria Muñoz artistak …
Erretiroa Eleizbarrutian Felix Larrondo bikarioak gidatuta
Gitxi falta da Ministerio Ordenaturako Idazkaritzak kurtsorako prestatutako egitaraua beteteko. Datorren eguenez, maiatzak 9, Eleizbarrutiko abade eta diakonoek erretiroa egingo dabe, Felix Larrondo VI. bikaritzako lurralde bikarioak gidatuta. Ekitaldian gotzainak be parte hartuko dau eta Begoñako Gogarte Etxean ospatuko da.
Musika, alkartasuna eta beste hainbat ekitaldi asteburuan
Maiatzean, Lehenengo Jaunartzeak ospatzen dira Eleizbarrutiko hainbat parrokiatan. Gainera, joan dan asteburuan, askotariko ekitaldiak izan dira han eta hemen eta argazkien bidez laburbilduko doguz:
Portugaleteko katekesiko taldeen eta eskaut taldeen topaketa
Atzo -domeka- Portugaleteko Pastoral Barrutiko (PB) Andra Mari, Ama Lur eta Belatzak katekesiko eta eskaut mobimentuko taldeetako 7 eta 12 urte bitarteko neska-mutikoak alkartu ziran.
Eleizbarrutiaren sorreraren 75. urteurrenerako irudi barria
2024-2025 kurtsoan, mundu osoko eta lekuko Eleizarentzako gertaera esanguratsu bi ospatuko doguz: Jubileua eta Bilboko Eleizbarrutiaren sorreraren 75. urteurrena. Hori dala-eta, gertaera biok lotzen dituan eta hurrengo pastoral urtean erabiliko dan irudi korporatiboa aurkeztuko dogu.
Astekoak, Eleizbarrutiko barriak
Astean zehar webgunean argitaratutako barri nagusiak laburbilduta eskaintzen deutsuguz. Bizkaiko Eleizan asko dira aurrera eroaten diran ekimenak eta webgunean euron arteko batzuk baino ez dira batzen. Zure parrokian, erakundean zein eleiz alkartean gertatzen danaren barri emoteko helbide honetara idatzi zeinke: komunika@bizkeliza.org
Gaur hasiko da Begoñan nazinoarteko organo-jaialdia
Jean-Baptiste Robin Versalleseko Errege Kaperako organiztak kontzertua eskainiko dau gaur -maiatzaren 4a, zapatua- Begoñako basilikan, 20:00etan. Berak emongo deutso hasiera "Bilbao uria" nazinoarteko 12. organo-jaialdiari. Egitaraua osorik: hemen.
Kontzertu solidarioa "Mufungaren Adiskideak" fundazinoaren alde
Mufungaren Adiskideak Fundazinoak dialdia egiten dau bihar -maiatzak 4, zapatua-, 19:00etan, Bilboko Abandoko San Bizente Martiria parrokian ospatuko dan kontzertu solidariorako. "NTONDOBE-LA BONDAD DIVINA" abesbatzak eskainiko dau kontzertua eta batu daiten dirua Mufungara (Kongoko ED) materiala bialtzeko izango da.
Gotzainak gaur amaituko ditu lurraldeetako batzarrak
Eleizbarrutiko gotzainak, idazkari nagusia lagun, batzarrak egin ditu bikaritzaz bikaritza. Martxoan hasita, leku bakotxean Ebanjelizatzearen Eleizbarrutiko Egitasmoari lotuta egiten diran jarduerak eta lekuan lekuko kezkaz ezagutu nahi izan ditu. Era berean, bisita horreek Ebanjelizatze-egitasmoan zehaztutako ekintzak nabarmentzeko bide izan dira. Joan dan martitzenez, apirilak 30, II. bikaritzako pastoral ekintzaileakaz batzartu zan eta gaur ospatuko dau azken batzarra Bilbon, III. eta VII. bikaritzetakoakaz.