Barriak
Etiquetado como: Arratia
Bizkaiko hainbat lekutan ospatzen da San Bartolome eguna
Gaur, Nathanael be deitzen dan Jesusen apostoluetako baten egunez, gure eleizetan santuaren omenez egindako hainbat bitxi emongo dogu ezagutzera.Esate baterako, ehun urtetik gorako organoa Areatzan, kolunbarioa Leioan edo Aldeacuevan (Karrantza) jatorriz bertakoa zan militar batek Mexikotik bialdutako dirutzari esker eraikitako eleiza. monumentala.
Garizuma-aldiko azken berbaldia Arratian
Xabier Eskauriatza abadeak emongo deutso amaiera gaur arratsaldeko zazpietan Arratian ospatzen diharduen Garizuma-aldiko berbaldi sailari. Hitzordua, Lemoako parrokia da eta Eskauriatzak 'Iragarri-Anunciar' goiburuaren haritik jardungo dau. Goizez, On Joseba Segura Eleizbarrutiko gotzaina IV. bikaritzan izango da, hain zuzen be Zornotzan, lurraldeetako egoera ezagutzeko saioen …
Arkitekturako ikasleek Zeanuriko ermitak barriztatuko dabez
Arratia bailarako Zeanuri herrian egitasmo aitzindaria jarri dabe martxan. Parrokiak, auzotarrek eta Nafarroako Unibertsitateko Arkitektura-fakultateak bat egin dabe ondare erlijiosoa zaharbarritzeko. Kasu honetan, herriko hainbat ermita konponduko dabe. Arkitekturako hamabost ikaslek lau ermiten -San Isidro, San Justo, Pietatea, Altzustako San Migel- neurketak eta planoak …
Arratiako zortzi parrokiak Urkiolara erreguteak egitera
Datorren zapatuz, ekainak 17, Arratia bailarako eleiztarrak Urkiolara joango dira erreguteak egitera. Aurton, Zeanurikoek antolatu dabe, `Bakegile izan gaitezen- Seamos portadores de paz´ goiburuaren haritik.
Gaur, Arratiako Eleizaren eguna
Aurton, Bediako parrokian izango da Mendekoste inguruan Arratiako sinistedunak batzen dituan eleizkizuna. Arratsaldeko zazpietan hasiko da Eukaristia eta sinbolo lez, alkarteetako kideei dei egingo jake bakotxak bere kandela biztu daian. Ebanjelizatzearen Eleizbarrutiko VI. Egitasmoa eta alkartea sustatzeko erronka dagoz ekitaldi honen atzean. Atzo, hain zuzen be, Kerman Lopez …
Arratia bailarako KT familiei Areatzan egingo deutse harrera
Mikel Azpeitia abadea laguntzaile-lanetan dala, Gabon-jaia ospatuko da zapatuz Areatzan. Jentaurreko ministeriotik kanpo egon da urte bitan eta joan dan irailetik barriro be Arratiako alkarteetan dihardu laguntzaile lez. Auzitegi Nazionalean bere aurka irekitako auziari dagokionez, joan dan azaroaren 8an salaketak artxibatuta egozala ebatzi eban, 'Bajo el silencio' …
"Lurralde Santuaren aldeko" diru-batzea, ezinbesteko laguntza
Orain dala egun batzuk egin zan deialdia Vatikanoan, mundu osoko gotzain eta fededun katolikook Lurralde Santuari lagundu deiogun "pro Terra Sancta" diru-batzea eginez gaurko egunez, Bariku Santuz.
Krisma-mezaren zuzeneko emonaldia
On Joseba Segura gotzaina izango da buru Santiago katedralean 11:00etan ospatuko dan Krisma-mezan.
Kerman Lopez: "Krisma-meza, alkartasunaren zeinu"
Kerman Lopez bikario nagusiak, Radio Popular-Herri Irratiko`Iglesia Hoy´irratsaioan eskainitako alkarrizketan, gaur goizeko 11:00etan Santiago katedralean ospatuko dan Krisma-mezaren balioa nabarmendu dau. Bere esanetan, eleizkizun honi "ez jako arreta larregi eskaintzen" eta, halanda be, "oso garrantzitsua da", izan be "Pazko Hirurrenari hasiera emoten deutso eta alkartasunaren zeinu da".
Gizalegezko Lanaren aldeko Eleizbarrutiko V. Eguna ospatuko da
“Rompe moldes/Amestu eta zaharbarritu”, goiburuaren haritik ospatuko da Gizalegezko Lanaren aldeko Eleizbarrutiko V. Eguna, hain zuzen be apirilaren 27an. Alkarte lez, lanaren giza eta kristau senean sakontzeko aukera izango dogu.
Katalogatu dabe Asisko san Frantzisko parrokiako antxinako liburutegia
Bilboko 'Quinta parrokia' lez ezagutzen dan Asisko san Frantzisko parrokiak eleizbarrutiko liburutegiari gordailuan emon deutso urteen buruan sortu izan dan antxinako liburutegia.
Urpeko robota galtzeko bidean dagozan landareak berreskuratzeko
EBI eleizbarrutiko ikastetxeen sarean dagoan Gernikako San Fidel ikastolak maiatzaren 7tik 9ra Hegoafrikan ospatuko dan zientzia eta robotikaren nazinoarteko txapelketako azken fasean parte hartuko dau. DBHko 4. mailako 10 ikasle joango da Ciudad del Cabora First Lego League Open Africa Championship dalako ekitaldiaren finalean parte hartzeko. Ikasle eta irakasleek urpeko robota asmatu dabe, itsas hondoan desagertzeko bidean diran espezieak birlandatzeko. Bizkaia ordezkatuko dabe mundu osoko ehun ikastetxe inguru batuko dituan ekitaldian.
Prozesinoetako irudi-multzorik ederrena gaur atarako da San Nikolas eleizatik
Prozesinoa Bilboko Areatzan dagoan San Nikolas eleizatik abiatuko da eta Alde Zaharra zeharkatuko dau. Bilboko Sate Santuan kalez kale ibiliko dan irudi-multzorik "bikain eta ederrena" da, Menaren Pietatea. Juan Pascual Menak 1756an egin eban San Nikolas eleizarena dan eskultura hau. Kristo hilaren irudi ikusgarri eta zirraragarria nabarmentzen da. Aurton, barritasun bi izango dira.
Erramu-domeka, egun esanguratsua Bizkaiko Eleizarentzat
Atzo, Erramu-domeka Aste Santuari hasiera emon jakon Bizkaiko parrokietan. Gotzaina buru izan zan Santiago katedraleko eleizkizunean. Eleiztar ugarik bat egin egan egun berezi honetan parrokia alkarteagaz. On Joseba Segura gotzainak Nekaldiaren historiak proposatzen dauan "egia" nabarmendu eban: "gainera jatorkona itzela bada be, Jainkoa Jerusalemen sartu egiten da, egundoko maitasuna deuskulako". Eskautek Gorka Eguna ospatu eben, euria lagun eta pozik, Muskizeko San Joan plazaren inguruan. Astakumearen prozesinoa umez inguratuta atara zan.