Barriak
Etiquetado como: Lekeitio
Kontzertuak Lekeitioko basilikan eta Deustuko San Felicisimon
Bihar, martiaren 29an, zapatua, bi kontzertu izango dira Bizkaiko tenplu banatan: Lekeition eta Deustuko San Felicsimon. Bi emonaldiak 20:00etan izango dira. Kostaldeko uribildukoa, bere kultur ondasun garrantzitsuenetako bat zaharbarritzeko antolatu dan jardueretako bat da: Jasokundeko Andra Mariaren basilikako organua. Deustuko Aita Pasionisten parrokiako ongintzazko …
ETBk Lekeitiotik emongo ditu datozan domeketako mezak
Euskal telebista publikoaren lehenengo kateak (ETB1), Lekeitioko basilikatik emongo ditu mezak datozan lau domekatan goizeko hamarretan. Tenplu honek erretaula nagusi zoragarria dau, Sevilla, Toledo eta Oviedokoakaz batera, Estatuko handienetakoa dana. Andra Mariaren Zeruratzearen izenpeko dan tenplu honetan, Cavaille Coll organoa dago eta hori joz girotuko dau eleizkizuna …
Lekeition organoaren hodientzako babesleen bila dihardue
`Lekeitioko Organoen Lagunak´ dalakoak kontzertua antolatu dau abuztuaren 16rako -barikua-, basilikan. 170 urtez martxan izan ondoren, kalte handiak jasan dituan Cavaille Coll organoa konponteko dirua batzea da helburua. Euskadiko Orkestra izango da kontzertu berezi honetako protagonista. Aukera ederra izango da, gainera, organaren hodientzako babesleak erakarteko.
Meza kantatua eta 'Orfeón Durangués' taldeare kontzertua, gaur, Lekeition
Orfeón durangués abesbatzak jardungo dau gaur arratsaldez Lekeitioko basilikan. Aurretik, 19:00etako Eukaristia girotuko dau eta meza amaitzeaz batera, 20:00etan, kontzertua izango da, askotariko estiloetako musika entzuteko aukeragaz. Fernando Urain Oñederrak zuzenduko dau eta Maite Molinak (pianoa) eta Andres Tejok (gitarra eta baxua) lagunduko deutse.
Lekeitioko pobreziaren mapa mugatuz
Gaur, Lekeitioko parrokian, ezohiko jarduera izango da. Euren lana Lea-Artibain egiten daben Bizkaiko Caritaseko hiru kidek berbaldia eskainiko dabe kostaldeko herriko pobreziaren mapa mugatuz. Hitzordua arratsaldeko zazpietan da eta inguruko eleiztarrek Bilboko Eleizbarrutiko Egitasmoak jarritako erronkei erantzuteko aukeratutako lehentasunezko erantzuna da.
Arto-kanaberazko oreaz egindako Kristo, Lekeition
Bihar, arratsaldeko zazpietan eta Lekeitioko basilikan, 'Vera Cruz erretaularen zaharbarritzea. Erretaula gatazkatsuaren zaharbarritzea' gaiaren inguruko berbaldia izango da. Juan Manuel G. Cembellin Eleiz Museoko zuzendariak eta Patxi Saez Colina zaharbarritzaileak jardungo dabe. Gatazkaz inguratutako artelana da, izan be, indiano batek dirua bialdu eban egiteko, urte …
Kurtsoaren hasierako ekitaldi berezia osptuko da Elorrioko basilikan
Irailaren 27an, pastoral kurtsoaren hasiera ospatuko da. Ekitaldi berezia egingo da horretarako, izan be, Elorrioko basilika jubileu-tenplu bihurtuko da egun horretarako, horrek dakarren guztiagaz. Beste alde batetik, 2025-26 kurtsoan emongo jake amaiera 75. urteurreneko ekitaldiei. Azaroaren 9an, Eleizbarrutiaren Egunez, amaierako ekitaldia ospatuko da Santiago katedralean, 19:00etan. Gertuen dagoan jarduerarik nabarmenena, Bilboko eleizbarrutiaren 75. urteurrena dala-eta osptuko dan BizkaiBira da, ekainaren 25etik uztaiaren 13ra Bizkaia zeharkatuko dauan ibilaldia. Gehiago jakiteko: hemen.
Itsasadarra garbitzeko ekitaldia antolatu dau Ekintza Katoliko Orokorrak bere eguna ospatzeko
Datorren domekaz, ekainak 8, Ekintza Katoliko Orokorrak (EKO-ACG) bere eguna, "EKO eguna" ospatuko dau. Aurton, ekintza berezia burutuko dabe euren egunari lotuta, Ebanjelizatzearen Eleizbarrutiko Egitasmoari (EEE) lotutako osoko ekologiari buruzko jardunbide baten inguruan landu daben kanpainaren barruan. Hain zuzen be, itsasadarraren bazterrak garbituko dabez, Basauritik pasatzen dan inguruan. Eleizbarrutiko edozein adinetako edozein taldek parte hartu leike, EKO egunean umeen gazteen eta helduen sektoreetako kideek parte hartzen dabe-eta.
Mendekosten erretiroa online egiteko aukera
Ekainaren 8an, Mendekoste egunez, Ekintza Katolikoaren eguna ospatuko dogu. EKO-ACG mobimentuak online egingo dan otoitzaldia antolatu dau. Luis Mari Vega EKO-ACG mobimentuko kideak prestatu dau "Ekintza Katolikoaren espiritualtasunetik Mendekoste aldiaren kristau senean sakontzeko". Proposamen irekia da eta gura dauanak parte hartu leike.
Eleizbarrutiko ordezkaritza Itsu Katolikoen (CECO) Jardunaldietan, Zaragozan
Joan dan asteburuan, Espainiako Itsu Katolikoen Alkarteak (CECO) urtero ospatzen dituan jardunaldiak ospatu ziran Zaragozan, BIlbao, Leon, Madril, Malaga, Santander, Toledo, Valentzia eta Zaragozako eleizbarrutietako 100 lagun inguru bertan zirala.
Basquetourreko zuzendaria "4.0 espedizinoa Erdi Arora" batzarrean
Turismo ministerioak lagunduta eta Bilboko eleizbarrutiak koordinatuta, egitasmoan, Toledo, Granada, Burgos eta Iruña-Tuterako artxidiozesiek eta Plasencia, Jaka eta Barbastro-Monzoneko eleizbarrutiek esku-hartzen dihardue. Autonomia Erkidegoetako 13 udalerritako 13 kokalekutan garatuko da. Egitasmo handi hau ondare erlijiosoaren ikerketa eta sustapenean oinarritzen da, Erdi Aroan eta Errenazimendurako trantsizinoan arreta jarrita. Lan-egitasmoari jarraipena emoteko batzarra ospatu dabe gaur eta bertan izan da Daniel Solana Basquetourreko zuzendari nagusia.
Eleizbarrutiko liburu-denda Bilboko Liburu-azokan
Maiatzaren 30etik ekainaren 8ra ospatzen ari da Liburu-azokaren 55. ekitaldia, Radio Popular-Herri Irratian astelehen, eguazten eta barikuz 17:00etatik 18:00etara emititzen dan `El Encantador de Palabras´ irratsaioko esatari dan Asier Muniategi buru dauan Liburuaren Euskadiko Ganberak antolatuta. Azokan estilo guztietako lan literario barrienak jasoten dabezan 56 kaseta dagoz. Jakinbide eleizbarrutiko liburu-dendak euskerazko eta gaztelaniazko liburuak daukaz eta bere berezitasuna gai erlijiosoko lanak dira.
Berbaldia Bilbon: "Gaixoak misiolari"
"Gaixoak misiolari, misinoari eskainitako bizi-ereua" goiburuaren haritik ospatuko dan saioa gidatuko dau bihar -ekainak 3, martitzena), Carmen Paniagua Gaixo Misiolarien Madrileko artxidiozesiko Batasuneko arduradunak. Barria eraikineko areto nagusian (Plaza Barria, 4) izango da, 18:00etan.
75. urteurreneko logoak bizia hartu dau kurtsoko azken aldizkarian
Gaur atara da kalera Alkarren Barri aldizkariaren multimedia bertsinoa. 313. ale honek 75. urteurreneko logoaren aldaera agertzen dau, eta osotzen daben kolore eta tamaina askotako irudi geometrikoek bizia hartu dabe. Bizkaiko eleiz alkarteko kideen aniztasuna batu dabe, joan dan maiatzaren 17an ospatu zan ekitaldiko irudiakaz batera. Horixe da ale honetan nabarmentzen dan gaia eta lehenengo 9 orrialdeak eskaini deutsaz Bilbao Exhibition Centre (BEC) erakusatzokan, 3.000 lagunetik gora bertan zala. ospatu zan Eleizea plazara azoka Eleizea Plazara azokari.
Frantzisko aita santuaren mezua komunikazinoaren arloko profesionalei
Bihar -ekainak 1, domeka-, Jaunaren Igokundearen Egunez, Gizarte Komunikazinoen Munduko 59. Eguna ospatuko da. "Batera jarri, otzantasunez, zuen bihotzeko itxaropena" goiburuaren haritik ospatuko da eta izenburu bera dau Frantzisko Aita Santuak egun honetarako idatzi eta Erroman, urtarrilaren 24an, Saleseko San Frantzisko komunikatzaileen zaindariaren egunez, kazetarien Jubileuan aurkeztu eban mezuak. Komunikabideetarako eleizbarrutiko saileko ordezkaritzak ekitaldi horretan parte hartu eban.
Bilboko Eleizbarrutiko Monumentuen Katologoa, eredu Europan
Bilboko Eleizbarrutiko Monumentuen Katalogoa gaur goizean aurkeztu da Zeberioko Olabarrietako Santo Tomas parrokian. Lan honek Bizkaiko tenpluetan gordetako ondarea bere osotasunean batu, aztertu, informazinoa bildu eta argazkiz hornitu egiten dau, aparteko zehaztasun eta sentiberatasunagaz. Jazoera garrantzitsua, begiak 2029an jarrita, tipi-tapa bide egiten ari dan lurraldeko kultur ondarearen katalogazinorako. On Joseba Segura Bilboko gotzainak eta Leixuri Arrizabalaga Euskera, Kultura eta kirol diputatuak parte hartu dabe ekitaldi publikoan.Juan Manuel Gonzalez Cembellin Eleiz Museoko …