Barriak
Etiquetado como: Lekeitio
Lekeitioko 700. uteurrena ospatuko da domingotarretan
Lekeitioko monja domingotarrak bariku honetan ospatzen dabe euren fundatzailearen eguna. Era berean, herriaren sorreraren 700.urteurreneko esker oneko mezea be ospatu gura dabe. Joseba Segura gotzaina izango da meza burua, 12etan hasiko dan ospakizun zabalean. Ostean, monastegiko klaustroan mokaua alkar banatuko dabe monjek herritarrakaz..
Berbaldia, erakusketa eta ikustaldiak Lekeitioren 700. urteurrenean
Azaroaren 3an, Lekeitiok bere 700. urteurrena beteko dau. Eta joan dan urteko azaroaren 3an hasi ziran urteurrena ospatzen, urtean zehar egiten diharduen jarduerakaz. Basilikako eleizpean herriaren historiaren inguruko erakusketa ikusi daiteke, hain zuzen be azaroraino. Gainera, asteburu honetan amaituko dira monja domingotarren komentura egin izan diran bisitaldiak. Bihar 1…
Kontzertuak Lekeitioko basilikan eta Deustuko San Felicisimon
Bihar, martiaren 29an, zapatua, bi kontzertu izango dira Bizkaiko tenplu banatan: Lekeition eta Deustuko San Felicsimon. Bi emonaldiak 20:00etan izango dira. Kostaldeko uribildukoa, bere kultur ondasun garrantzitsuenetako bat zaharbarritzeko antolatu dan jardueretako bat da: Jasokundeko Andra Mariaren basilikako organua. Deustuko Aita Pasionisten parrokiako ongintzazko …
ETBk Lekeitiotik emongo ditu datozan domeketako mezak
Euskal telebista publikoaren lehenengo kateak (ETB1), Lekeitioko basilikatik emongo ditu mezak datozan lau domekatan goizeko hamarretan. Tenplu honek erretaula nagusi zoragarria dau, Sevilla, Toledo eta Oviedokoakaz batera, Estatuko handienetakoa dana. Andra Mariaren Zeruratzearen izenpeko dan tenplu honetan, Cavaille Coll organoa dago eta hori joz girotuko dau eleizkizuna …
Lekeition organoaren hodientzako babesleen bila dihardue
`Lekeitioko Organoen Lagunak´ dalakoak kontzertua antolatu dau abuztuaren 16rako -barikua-, basilikan. 170 urtez martxan izan ondoren, kalte handiak jasan dituan Cavaille Coll organoa konponteko dirua batzea da helburua. Euskadiko Orkestra izango da kontzertu berezi honetako protagonista. Aukera ederra izango da, gainera, organaren hodientzako babesleak erakarteko.
Meza kantatua eta 'Orfeón Durangués' taldeare kontzertua, gaur, Lekeition
Orfeón durangués abesbatzak jardungo dau gaur arratsaldez Lekeitioko basilikan. Aurretik, 19:00etako Eukaristia girotuko dau eta meza amaitzeaz batera, 20:00etan, kontzertua izango da, askotariko estiloetako musika entzuteko aukeragaz. Fernando Urain Oñederrak zuzenduko dau eta Maite Molinak (pianoa) eta Andres Tejok (gitarra eta baxua) lagunduko deutse.
Lekeitioko pobreziaren mapa mugatuz
Gaur, Lekeitioko parrokian, ezohiko jarduera izango da. Euren lana Lea-Artibain egiten daben Bizkaiko Caritaseko hiru kidek berbaldia eskainiko dabe kostaldeko herriko pobreziaren mapa mugatuz. Hitzordua arratsaldeko zazpietan da eta inguruko eleiztarrek Bilboko Eleizbarrutiko Egitasmoak jarritako erronkei erantzuteko aukeratutako lehentasunezko erantzuna da.
Arto-kanaberazko oreaz egindako Kristo, Lekeition
Bihar, arratsaldeko zazpietan eta Lekeitioko basilikan, 'Vera Cruz erretaularen zaharbarritzea. Erretaula gatazkatsuaren zaharbarritzea' gaiaren inguruko berbaldia izango da. Juan Manuel G. Cembellin Eleiz Museoko zuzendariak eta Patxi Saez Colina zaharbarritzaileak jardungo dabe. Gatazkaz inguratutako artelana da, izan be, indiano batek dirua bialdu eban egiteko, urte …
Bidezko merkataritzako produktuak salgai San Bizenten
HegoBerria–Compromiso Sur taldearen eskutik, datorren domekaz, otsailak 1, Bidezko merkataritzako (Kidenda) produktuak salduko dabez Bilboko San Bizente Martiria parrokiako eleizpean (11:00etatik 14:00etara). Kongoko Errepublika Demokratikoko artisau-lanak be eskainiko dabez (Mufungaren Adiskideak Fundazinoak.
Gotzaina, Bakearen aldeko Astearen amaierako ekitaldian, Itaka-ekolapioetan
On Joseba Segura Bilboko gotzainak datorren zapatuz, urtarrilak 31, eskolapioen ikastetxetik arratsaldeko bostetan abiatuko dan Bakearen aldeko 42. ibilaldian parte hartuko dau. Holan, aurton Itaka-eskolapioak Fundazinoaren 25. urteurrena ospatzen dauan heziketa-alkartearentzat guztiz esanguratsua dan asteari amaiera emongo jako. Bakearen aldeko konpromisoz betetako 25 urte dira. Egun berean, goizez, "Beste aukera batzuk sortuz berrarmatzearen ordez" ekimenaren bigarren ekitaldia ospatuko da "Bake goldeak / Arados de paz" taldearen eskutik.
Indarrean dagozan 50 gerrak izango dabez gogoan "Bizkaia isilik" bilkuretan
Hilaren azken eguaztenez ohikoa danez, "Bizkaia isilik" bilkurak egingo dira gaur arratsaldez errefuxiatu eta etorkinek jasaten dabezan bidebakokeriak salatzeko.
Abesbatzak Begoñako basilikan
Bizkaitarrek asko estimatzen daben kultur ekintza ospatuko da beste behin be Begoñako Andra Mari basilikan. Hasi da Bizkaiko Abesbatzen 52. astea, hiru astez, Bizkaia osotik etorritako 51 abesbatzek musikaz beteko daben aldia. Otsailaren 13ra arte izango dira kontzertuak.
Zuzentasunerako argia, indarkeriarik ezaren eta bakearen aldeko eguna dala-eta, Eleizaren Doktrina Sozilaren eskutik
Langile Pastoraltzaren eta Migrazinoetarako Pastoraltzaren eskutik, 2013an Eleizbarrutiko Teologia eta Pastoraltza Institutuak martxan jarri eban eta urteotan hainbat formatu izan dauan ekimena berreskuratu dabe: Eleizaren Doktrina Sozialaren (EDS) argia. Urtarrileko hau, indarkeriarik ezaren eta bakearen aldeko urtarrilaren 30eko jardunaldian oinarrituta dago: hemen.
Asteburuan, eleizkizun ekumenikoa eta agurrak
Atzo, katedralean ospatu zan eleizkizun ekumenikoan, amaiera emon jakon Kristauen Batasunaren aldeko Otoitz Asteari. On Joseba Segura gotzaina eta hainbat Eleiza protestante eta ortodoxoetako ordezkariak buru izan ziran otoitzaldian. Lehenengo aldiz parte hartu eban Carlos Lopez Alkarte Anglikanoko gotzainak. Beste alde batetik, Eleizbarrutiagaz lotura estua izan eta erretiroa hartu daben lagun biren agurrak ospatu dira: Juan Manuel Gonzalez Cembellin Eleiz Museoko zuzendariarena eta Mabel Martinez Fede-zabalkunde eta Katekesirako ordezkaritzako kidearena.
Giro ona eta jente asko Santurtziko BIka egunean
Berrehun lagun inguru -gaztetxo, begirale, laguntzaile...- batu zan atzo Santurtzin, I. bikaritzako Bika egunean. Bikaritzako Pastoral Barrutietako (PB) eskaut taldeek, gaztetxoen taldeek eta jaunartzea ospatu dabenen taldeek parte hartu eben. Eleizbarrutiko ikastetxeak batzen dituan EBI sareko Patronato Ikastetxean alkartu ziran eta Ainhoa Castañeda eta Veronica Ruizek, zuzendari eta nortasunerako ikastetxeko arduradun hurrenez hurren, harrera egin eutsien eta partaideen esanetara egon ziran egun osoan.
Mandatudun laikoen erretiroa Larrean
Sasoi honetan ohikoa danez, eleizbarrutian mandatua daben laikoek gogo-jardunak egiten dabez. Hiru egunez, 40 lagun inguruk biziko dau esperientzia hau Zornotzako Larreako gogarte etxean.
Asteko barrien laburpena
Astean zehar webgunean argitaratutako barri nagusiak laburbilduta eskaintzen deutsuguz. Bizkaiko Eleizan asko dira aurrera eroaten diran ekimenak eta webgunean euron arteko batzuk baino ez dira batzen.
Zure parrokian, erakundean zein eleiz alkartean gertatzen danaren barri emoteko helbide honetara idatzi zeinke: komunika@bizkeliza.org
Eleizbarrutiak lagungarriak eskeiniko ditu Garizuman "batera" joateko
"Batera" kurtsoko goiburua ardaztzat hartuta, Bilboko eleizbarrutiak pastoral eta liturgia bitartekoak jarriko ditu parrokia, alkarte eta fededunen eskura, otsailaren 18an hasiko dan Garizumako ibilbidean sakontzeko. Liturgiarako eleizbarrutiko ordezkaritzak prestatu ditu lagungarriok, grazia eta bihotz-barritzeko aldi honetan gogoeta, otoitza eta ospakizuna sustatzeko eta "alkartasuna ehuntzeko".