Barriak

"Martxoak8Mujeres" ekitaldian, besteak beste, Ana Zugazak jasoko dau autorpena. Eleizbarrutiko Pastoral Kontseiluko (EPK) lehenengo emakume presidenteordea izan zan eta eleizbarrutiko batzar nagusiko kontalaria, eta ardurakidetasun eta aitzindaritzazko egitekoetan diharduen emakumeen izenean emongo jako. Ekitaldia datorren martxoaren 7an izango da, 12:30etan, Indautxuko Karmeneko Ama parrokiako areto nagusian.

Datorren martxoaren 7an, Emakume Langilearen Nazinoarteko Egunaren bezperan, Consuelo Puentek jasoko dau "martxoak8mujeres" jardueraren VII. ekitaldiko autorpenetako bat. On Joseba Segura gotzaina buru dala ospatuko dan saioan, Bizkaiko Eleizak historian zehar, hainbat bizigiro eta erantzukizunetan, alkarteetako emakumeek agertu daben konpromisoa eskertuko dau. Gaurtik hasita, aurten omenaldia jasoko daben emakumeak aurkeztuko doguz.

'Gogoratu, bizi, amets egin' erakusketa ibiltariak 75 urteotan eleizbarrutian bizi izan diran gertaera gogoangarrietako batzuk jasoten ditu. Erakusketa ikusgai dago Villaverdeko (Kantabria-Bilboko eleizbarrutia) martxoaren 3ra arte. Gero, Balmasedako San Severino eleizara eroango dabe martxoaren 14ra arte eta ostean Sodupeko San Bizente Martiria eleizan jarriko dabe.

Datorren martxoaren 7an, Emakume Langilearen Nazinoarteko Egunaren bezperan, Bilboko eleizbarrutiak 'martxoak 8 mujeres' autorpen-ekitaldiaren VII. ekitaldia ospatuko dau. Aurton, gotzaina buru dala ospatuko dan ekitaldia, berezia izango da. Bilboko Eleizbarrutiaren sorreraren 75. urteurrena dala-eta, Bizkaiko Eleizak alkarteetako emakumeek historian zehar askotariko bizigiro eta erantzukizunetan agertutako konpromisoa eskertuko dau. Emakume batzuk jarriko deutse aurpegia bere berariazko karisma eta gaitasunetatik Bizkaiko gizartea gehiago eta hobeto zerbitzatu gura dauan kristau alkartean …

Bake Topaketaren XI. ekitaldia barritasunez beteta dago. Aurton, Eleizbarrutiaren sorreraren 75. urteurrenari eta mundu osoko Eleizak ospatzen diharduan Urte Santuari lotuta ospatuko da. Ekitaldiaren antolaketaz arduratzen dan Bake eta Adiskidetzerako Eleizbarrutiko Batzordeak gertaera biak gogoan hartu gura ditu eta "bizi izandako historiatik ikasi, oroimena egin eta ospatu".. Bake Topaketa Gernikan izango da otsailaren 22an eta zabalik da autobusetarako izena emoteko epea orri honetan. Otsailaren 16a da azken eguna.

"Gogoratu, bizi, amets egin" erakusketa ibiltariak Bizkaiko Eleizaren 75 urteko historiako une gogoangarriak agertzen ditu.Erakusketa, Derion ospatu zan kurtso hasierako ekitaldian zabaldu zan eta handik Begoñako Gogarte Etxera eroan eben. Gaur egun, Amatxuren etxean (III-VII bikaritzak) dago eta datozan egunetak San Bizente parrokiara lekualdatuko da eta hantxe egongo da ikusgai hiilaren amaierara arte.

Abenduaren 29an emon jakon hasiera Eleizbarrutian "Itxaropenean erromes" 2025eko Jubileu Urteari eta asteburu honetan hasi da Urte Santua Bizkaiko parrokietan. 2025ean jarduera ugari izango da Eleizak 25 urtez behin ospatzen dauan jazoera honi lotuta. Astrabuduako San Lorentzo eta Erandioko San Agustin parrokiek, esate baterako, "esperientziak jasoko dabezan" serigrafiatutako kamiseten erakusketa antolatu dabe, "itxaropena ikusgarri egiteko" helburuagaz. Urte osoan iraungo dau erakusketa horrek. 

Joan dan martitzenez, abenduak 24, Frantzisko aita santuak Mundu osoko Eleizak 2025ean ospatuko dauan Jubileu Urteari hasiera emon eutsan. Bihar -abenduak 29, domeka- lekuko Eleizetan emongo jako hasiera Urte Santuari. Bilboko Eleizbarrutian, Santiago katedralean izango da, On Joseba Segura gotzaina buru dala, eguerdiko 12:00etan. Aurretik, prozesinoa egingo da, 11:30etan San Nikolas eleizan hasi eta Jubileu tenplu dan Santiago katedraleraino. Zuzenean emongo da web honen bidez. 

Kurtso honetan, Eleizbarrutiak bere sorreraren 75. urteurrena ospatzen dihardu eta datozan hilabeteetan oroitzapenezko hainbat jarduera ospatuko da, besteak beste, 75 urteko historian izan diran gertaera gogoangarrietako batzuk jasoten dituan panelen erakusketa. Eleizbarruti osoa zeharkatzen diharduen panelok Begoñako basilikan jarri ebezan barikuan eta gura dauanak ikusi leikez. Asteburuan, bainera, Seminarioaren Eguna ospatu da eta Mª Jesus Lorenzo lekaimeari emon deutse 'Barakaldo solidarioa' saria. Ondoren, barri honeen eta beste hainbaten errepasoa. 

Gaur ospatzen dogun Boluntarioen Nazinoarteko Eguna dala-eta, gotzainak mezua idatzi deutse askotariko erakundeetan boluntario lez jarduten daben 5.000 lagunei. On Joseba Segura gotzainak "bihotzez" eskertu deutse "Bizkaiko Eleizaren eta gizartearen aldeko, konpromiso, eskuzabaltasun eta zerbitzua". Alkartearen izenean, "Barri Onaren poza eroanez eta gizarte bizi eta solidarioagoa eraikitzen lagunduz" egiten daben ekarpenagaitik.