Barriak

Durangoko Turismo-bulegoak bisita gidatu bi egingo ditu datorren zapatuz, irailak 9, Durangoko Andra Mari basilika barrutik ikusteko. Lehenengoa, gaztelaniaz, goizeko 10:00etan izango da eta bigarrena, euskeraz, eguerdiko 12:00etatn. Jardueragaz bat egin gura dauanak, aurretik izena emon behar dau 94 603 39 38 telefonora deituz edo turismo@durango.eus helbide elektronikora mezua bialduz. 

Datorren zapatuz, irailak 9, "Ziortza Kontzertuak" jaialdiaren XXXV. ekitaldia hasiko da. Irailaren 9, 10, 16 eta 17an ospatuko da Ziortzako kolegiatan eta autobusa jarriko dabe Bilbon (Elkano, 5, autobus geltokian, Txabarri jauregiaren aurrean) bertara joateko. Arratsaldeko 16:00etan atarako da autobus hori eta 15 minutu aurretik hartu beharko da lekua. Arratsaldeko 17:00etatik aurrera, doako autobus-zerbitzua jarriko da Bolibarretik Ziortzara joateko. Gehiago jakiteko eta lekua gordetzeko: hemen

Eleiz Museoko klaustroan aurkeztu zan atzo -astelehena- "Camino Escena Norte (CEN)" deitutako egitasmoa. Honen bitartez, trukea sustatu gura da arte eszenikoen arloan, irailaren 17tik urriaren 22ra garatuko dan egitarauaren haritik 60 lekutan, Galizian, Asturiasen, Kantabrian, Euskal Herrian eta Nafarroan. Gehiago jakiteko: hemen

2023-24 kurtsoari hasiera emongo deutsan "Goazen!" jarduera Markinan ospatuko da irailaren 30ean, zapatuz, "Bagara. Comunidad acogedora e inclusiva" goiburuaren haritik. Parte hartu gura dauanak esteka honetan emon leike izena.

Jakitera emon danez, pastoral kurtsoa irailaren 30ean hasiko da 'Goazen!' ekitaldiagaz. "Bagara. Comunidad acogedora e inclusiva" da 2023-24 kurtsorako aukeratutako goiburua. Irailaren 25ean, Etorkin eta Errefuxiatuaren Eguna ospatuko da. 

Irailaren 30ean, 'Goazen! 2023-24' kurtso hasierako ekitaldia ospatuko da Markinan. (Irailaren 4tik -astelehena- aurrera egin daitekez izen-emoteak web orrialde honetan). Gotzain Kontseiluak, aurreko urte bietan lez, baterako diru-batzea egitea proposatzen dau. Diru hori erdi bana banatuko da, Caritasen jarduerarako eta parrokietako gainerako beharrizanei aurre egiteko. Arduradunen esanetan, "ondasunak banatu egingo doguz, beraz, eta alkarregaz ahalegindu, senidetasuna eta bizitasuna erakutsiz". Aurreko asteburuan, irailak 25, Etorkin eta Errefuxiatuaren Munduko Eguna ospatuko da.

Irailean, pastoral kurtso barriari hasiera emongo jako. Hasierako ekitaldi ofiziala, "Goazen!", irailaren 30ean ospatuko da, Markinan, "Bagara. Comunidad acogedora e inclusiva" goiburuaren haritik. Irailaren 4tik -astelehena- aurrera, web orrialde honetan izena emon daiteke. Urriaren 1ean, alkarte bakotxean emongo jako hasiera kurtsoari eta Bizkaiko Caritasen eta parrokien aldeko kanpaina egingo da. Aurreko asteburuan, irailak 25, Etorkin eta Errefuxiatuaren Eguna ospatuko da. 

Portugalera Bizkaitik joandako talde nagusia iritsi da Bilbora gaur goizean.. Egunok zelan bizi izan dabezan galdetu deutsegue euren arteko batzuei eta "pozik baina nekatuta", dinoe. IV.  bikaritzako bikarioarentzat, Alex Alonsorentzat, orain garrantzitsua da gazte honeek behar daben akonpainamentua eskaintzea kirstau alkarteetan. Borja Uriarte, abade gaztearentzat "adiskidetasun egunak" izan dira...

Txoko Latinoak omenaldia eskaini gura deutso Johnny Vargas Castillori, bere heriotzaren urteurrenean. Hori dala-ta, bihar, Errosario Santua errezetako konbitea zabaldu dabe. Miribillako eleizan, arratsaldeko 18:30etatik aurrera jarri dabe hitzordua. Igaz sasoi honetan Johnny bere jaioterrian, Ekuadorren egoan amamaren hiletara joanda. Bertan gaixotu eta hil zan 44 urte ebazala. Latinamerikarren Bizkaiko alkartearen ardatzen arteko bat izan zan. Alkartea egunokaz Zisnearen Amabirjinearen bederatziurrena ospatzen dabil. Jaia abuztuaren 14an izango da.

Santiago katedraleko arrosa-leihoa kolore biziko mosaikoa da, batez be kolore gorriak eta urdinak nagusitzen dira bertan. Erdigunean Santiago zaindaria dago. Eta arrosa-leihoaren azpian beirateetan, apostoluak Jesusen inguruetan. Kanpotik ez dira ikusten baina barrutik ikusgarriak dira. Bazenkian antzina arrosa-leihoa baino lehenago, beiratea egoala bertan?