Barriak

Joan dan urtarrilaren 31an hil zan A. Eduardo Rincon Fernandezen oroimenezko meza ospatuko da bihar, otsailak 12, eguerdiko 12:00etan, Ziortzako kolegiatan.

Otsailaren 12an, domekaz, 20 senar-emaztek ezkontzako agintzariak barrituko dabez Ermuko Santiago Apostolua parrokian 11:00etan ospatuko dan eleizkizunean. "Gure baiezkoa egunez egun ozenago" goiburuaren haritik, Esti Duran Fede-zabalkunde eta Katekesirako Oiz-Anboto PBko arduradunak azaldu dauanez, "ezkontza egunean Jainkoagaz egindako alkartasun-ituna gogoratu eta eguneratu egingo dogu, ezkontza hori bizirik dala eta egunero Jainkoaren eta kreazinoaren arteko maitasun, leialtasun eta batasunaren isla dala erakutsiz eta itun bizi eta zabal hori zailtasunak gainditu eta zaintzeko eta …

Joan dan eguaztenez, batzarra ospatu zan Portugaleteko Nazaret parrokian, Sergio Buiza lurraldeko bikarioa buru zala eta Pastoral Barrutiko (PB) pastoral eremu desbardinetako 80 lagun ingururen partaidetzagaz. Saioan, egitasmoari lotuta garatuko diran ekintzak aukeratu ziran. Belen Rodero Portugalete PBko ekipo ministerialeko kideak azaldu ebanez, "egitasmoa geure egiten saiatu ginan, sinodo-senez, alkartea eraikiz, Jesusen barri ona Portugaletera eroateko bideak arakatuz".

Datorren zapatuz, 220 eskaut inguruk boluntario-lanak egingo dabez Morga inguruan ingurumenari laguntzeko, ingurumenaren zaintza eta kudeaketarako Lurgaia Fundazinoagaz alkarlanean. Ordu biko lana egingo dabe landare arrotzak kentzeko, espezie barriak landatzeko eta habiak eraikitzeko. Hamaiketakoa egin eta gero, gogoeta egingo dabe garapen jasangarriaren eta bakarka zein talde lez danona dan etxearen alde egin leiken guztiaren inguruan. Ekitaldiari amaiera emoteko, otoitzaldia egin eta alkarregaz bazkalduko dabe.

Hainbat heziketa-prozesu dago martxan Bilboko Eleizbarrutian, askotariko gaiak fededun ikuspuntutik ezagutzeko nahia daben guztientzat zabalik. Eleizbarrutiko Kuriaren ohiko eskaintza zabalaz gainera, bikaritza, erakunde edo parrokia bakotxak beste hainbat jarduera hezigarri antolatzen dau, ahalik eta pertsona gehienen jakin-mina erakarten dauan gaiaren inguruan. Atzo bertan, Caritaseko kontsiliario eta laguntzaileak batzartu ziran Julio Gomez doktoreagaz. Arratsaldez, Txemi Santamaria Lagungoko kideak gehiegikerien prebentzinorako ardatz nagusien inguruan jardun eban. Autonomia-Indautxu …

Bilboko Eleizbarrutiko Caritaseko hogeta hamar kontsiliario edo laguntzaile batu zan atzo urteroko batzarra ospatzeko. Egunero egiten daben lanaren ingurukoak batera jarteaz gainera, ahuleziazko egoeretan dagozan pertsonen beharrizan espiritualak antzemateari buruzko gogoetari ekin eutsen. Julio Gomez zainketa aringarrietarako San Juan de Dios ospitaleko medikuak gidatu eban saioa, gaia osasun arloko testuinguruetatik aztertuz. Manu Moreno Bizkaiko Caritaseko ordezkariaren esanetan, ekitaldia egokia izan zan "kontsiliarioek egiten daben lana sakontzeko eta hobetzeko, euren laguntzaren …

Bizkaiko Caritasek Turkia eta Siriari laguntzeko diru-bilketarako kanpaina martxan jarri dau. Edozein dohaintza egitean, ezinbestekoa da NAN eta dirua zertarako dan aitatzea. 33154 bizumaren bidez.

Mons. Angel Francisco Caraballo Fermin Venezuelako Cabimaseko eleizbarrutiko gotzaina bisitan etorri jako gaur goizean On Joseba Segura Bilboko gotzainari. Datorren astean, otsailaren 13tik 17ra, Mons Caraballok ikastaro batean parte hartuko dau Rota Romanan eta, bide batez, aurreko egunetan espainiar eleizbarrutietan ikasketak egiten dagozan bere eleizbarrutiko abadegaiak bisitatuko ditu edo, Bilboko kasuan lez,  hainbat gizarte egitasmo eta ekintza garatzeko hemendik laguntza eskertzeko aprobetxatuko dau.

Datorren zapatuz, Lurdeseko Andra Mariaren egunez, Gaixoaren Munduko Eguna ospatuko da. Egun horretan, On Joseba Segura gotzaina buru dala, Eukaristia ospatuko da Santiago katedralean 19:00etan eta web orrialde honek zuzenean ikusteko aukera emongo dau. Egun honen inguruan, "Alkarren Barri / Comunicación" Eleizbarrutiko aldizkariaren otsaileko alean, Gurutzetan jarduten dauan arreta erlijioso eta espiritualerako zerbitzuko taldeari alkarrizketa egin jako "Nire ospitaleko jokoa" dalakoaren inguruan. 2019an sortu eben talde horretan eta orain eguneratu egin dabe Barrikuntza eta Kalitaterako …

Norai alkarteak ekitaldi berezia ospatu eban joan dan zapatuz Deustuko unibertsitateko klaustroan 'Etorkizuna musikatan' gizarte-musika egitasmoari lotuta. Ehun eta hogei ume eta gaztetxok bat egin eben bakearen alde abesteko eta musika joteko. Miguel Angel Esnaola Ekumenismorako Eleizbarrutiko ordezkariak azaldu dauanez, "aukera bikaina izan zan, gainera, Giza Senidetasunaren I. Eguna ospatzeko".