Sinodoaren inguruko Eleizbarrutietako azterraldiari dagokionez, Gotzainen Sinodoko Batzorde Arrunteko kideek, langaia onartu eben abenduan, 2024ko urrian ospatuko dan Gotzainen Sinodoaren Ohiko XVI. Batzar Nagusiaren bigarren saioa ospatu aurretik lantzeko.
Aitatutako langai hori oinarritzat hartuta, Sinodoa lekuan lekuko aldian sartu da. Bilboko Eleizbarrutian, Eleizbarrutiko Pastoral Kontseiluko kideen eta lehenengo azterraldian parte hartu ebenen artean egingo da azterraldia, baina gura daben guztiek parte hartu leikie. Galdera honi erantzun behar jako: “Ze eragin dau Sinodoak gure Eleizbarrutiaren eguneroko bizitzan?”.
Bikario nagusiak Radio Popular-Herri Irratian azaldu ebanez, galdera web orrialde honen bidez egin da gure Eleizbarrutian. 537 lagunek erantzun dabe, 330 emakumek eta 207 gizonek. “Bizkaiko Eleizak amaiera emon deutso banaka zein taldeka egin dan azterraldiari”.
Alkarrizketa osorik: hemen
