Web honen bidez zuzenean emongo dan Eukaristian, Karidade eta Zuzentasunerako Ordezkaritzako hainbat kidek eta ahalmen-urritasunen bat dabenen aldeko pastoraltzan jarduten dabenek parte hartuko dabe: FRAER (Ahalmen-urritasuna daben pertsonen kristau senidetasuna); CECO (Espainiako itsu katolikoak), gorren eta gor-mutuen pastoraltza, urritasun intelektual edo kognitiboa daben pertsonak eta buruko gaixotasunak dabezanak.
Frantzisko aita santuaren hil honetako bideoa
Munduko otoitz-sareko aita santuaren hil honetako bideoan ahalmen-urritasuna daben pertsonak aitatzen dira. Aita santuaren esanetan, parrokietara iristeko errazatasunak jarri behar doguz, ez bakarrik oztopo fisikoak ezabatuz, “eurei buruz hitz egiteari itzi eta geure buruaz hitz eginez” baino.
Informazinoa Alkarren Barri aldizkarian
Alkarren Barri aldizkariaren abenduko alean gaurko egunaren ingurukoak jasoten dira. Pertsona itsu katolikoek (CECO) urtero ospatzen daben batzarraren barri emoten da. Azaroaren erdi aldera ospatu zan eta hamabi lagun inguru joan zan Bilboko Eleizbarrutitik.
