“Aizu!!!” agerkariaren bidez, sentiberatasuna biztu eta gogoeta eragin gura dabe: “ekintzara bultzatu gura dogu jentea gure bizigiroetan. Martxoaren 8an Emakumearen Nazinoarteko Eguna ospatuko dala-eta, gure munduan, gure Eleizan, emakumeek bizi dabenera gerturatuko gara. Eginahalak egin behar doguz emakume eta neskatoen bardintasun eta duintasuna benetan gauzatzeko”.
Aizu !!! 93 Igualdad Dignidad. 8M 2024
8 emakumeri autorpena egiteko VI. ekitaldia
Datorren martxoaren 8an, Bilboko Eleizbarrutiak seigarren urtez jarraian autortuko dau 8 emakumek Bizkaiko Eleizan erakutsitako konpromisoa. Oraingoan, eguneroko eginkizun eta zerbitzuan harrera eta barne hartzea sustatzen daben emakumeak agertzera emon gura dabez. Kerman Lopez bikario nagusia buru dala -Gotzainen Batzarraren Osoko Bilkuran izango dan gotzainaren lekua hartuz- ospatuko da ekitaldi instituzionala.
Ondorengo honeei egingo jake omenaldia: Mari Puy Inzunza (Mañaria); Maite Fernandez de Agirre (Sodupe); Nekane Landaribar (Ondarroa); Susana Mallo (Jesusen mirabea, Bilbao); Aintzane Monteverde (Algorta); Nely Ramon (Bilbao), Lucia Cerda (Bilbao) eta Maria Jesus Sanz (Galdakao). Toño Valdivieso artistak egindako oinatza jasoko dabe.
