Datorren zapatuz, martxoak 7, "Etorkizuna musikatan" ume eta gazteen orkestraren emonaldia izango da Zurbaranbarri auzoko Goiuriko Andra Mari parrokiako lokaletan. Arratsaldeko 18:00etan hasiko da ekitaldia, Norai taldean musika landuz, ahuleziazko egoeran edo gizarte bazterketa jasateko arriskuan dagozan neskato, mutiko eta nerabeen bizitza eraldatzea helburutzat dauan irabazi-asmo bako alkartearen aurkezpenagaz. Kontzertua bera, 19:00etan hasiko da. Sarrera doan da eta diru-laguntzak egin daitekez.
Etorkizuna musikatan
Meza kantatua lau ahotsetara, Begoñan
Zapatuz beste emonaldi bat be izango da, hain zuzen be Begoñan, goizeko 11:00etan, “Jatorki” abesbatzaren eskutik. Nicolas Ledesmak Durangoko San Antonio komentuko monjentzat konposatutako meza kantatua (Kyrie, Kredoa, Sanctus, Agnus Dei) interpretatuko dabe lau ahotsetara, Miriam Cepedak joko daualarik organoa.
