San Balendin eguneko ospakizunak irudi eta esaldi esanguratsuak itzi ditu goizean. Eguna, lainotuta esnatu da, baina euri barik ospatu dabez eguneko ekitaldi guztiak. Txistulariak kalejiran atara dira eta herritarrek santuaren irudiaz apaindu dabez balkoiak; taberna eta terrazetan jente asko ibili da eta eleiztarrek eguneko eleizkizun bietan parte hartu dabe. Lehenengoa, monja domingotarren eleizan ospatu da, Iñaki Jauregi parrokoa buru, eta bigarrena, basilikan, eguerdiko 12:00etan.
📌Gotzainaren mezua
— Bilboko Elizbarrutia (@DiocesisBilbao) July 4, 2024
📌El obispo pide la valentía de San Valentín para afrontar los retos de esta vida pic.twitter.com/J6LUK3jF95
Parrokiako abesbatzak girotu dau Meza Nagusia, non On Joseba Segura gotzaina buru izan dan eta Alex Alonso lurralde bikarioak, Hanoitik (Vietnam) etorritako hainbat abadek, domingotar fraileek, Juanito Gallastegi abadeak eta Iñaki Jauregi parrokoak alkar-meza ospatu daben. Eleizkizunean, Javi Garai be aurkeztu dabe, azken urteetan Algortan jardun ondoren, datorren kurtsotik aurrera Elorrioko taldean izango da-eta.
Homilia
Gotzainak mundu hone “ziurtasun-gabeziak” eta euroi aurre egiteko askotariko erak aitatu ditu. “Lasaitasunez hartu daigun ziurtasun-gabezia, baina beti be Jainkoak gizadi zapaldu, erasotu eta minduarentzat dauan egitasmoaren alde egiteko prest”.
Amaieran, Javi Garai abadeak esker ona adierazo dau harreragaitik eta datorren kurtsoan ekingo deutsan ibilbidean bidelagun izateko eskatu deutse eleiztarrei eta elorrioarrei.
Maitasunean bizi gura dogu oraina. Gizatasunean, alkarte bizimodua zainduta, behartsuei arreta erakutsita…Azken baten, Jesusen mezuaren edertasuna oinazean bizi diranei zabaltzen. San Balentinek holan bizi izan eban ministerioa, Ebanjelioaren maitasuna azken arnasera arte zabalduta.
Joseba Segura, Bilboko gotzaina
📌Javi Garai parroko barriaren berbak.
— Bilboko Elizbarrutia (@DiocesisBilbao) July 4, 2024
📌El nuevo párroco pide acompañamiento en su nuevo servicio pic.twitter.com/Kdqu0b53nd
