Hemen da Abendualdia, kristau egutegiko liturgia urte barria. Hori dala-eta, Liturgiarako Bilboko Eleizbarrutiko Ordezkaritzak lagungarriak prestatu ditu aldi honetarako. Bibliako txatalak, gogoetak eta galderak jasoten dituan liburuxkaz gainera, Bilboko Koral Alkarteak grabatutako kantuak eskaintzen dira.
Abendualdirako eta Gabonetarako liturgia kantuak batzen dabezan disko trinko bi dira. Datozan urteetan liturgia egutegiko beste salmo, aintza eta aleluia kantu batzukaz osatuko dan egitasmoaren lehenengo zatia da. Enrique Azurzaren zuzendaritzapean, koraleko 50 lagun inguruk parte hartu eban Deustuko Unibertsitateko kapera gotikoan egin zan grabazinoan. Jesus Llarena Liturgiarako Eleizbarrutiko ordezkariak 2022ko azaroan egin zan aurkezpenean nabarmendu ebanez, “helburua, organistarik eta korurik ez daukien parrokiei euskerazko liturgia abestirik ohikoenen bilduma eskaintzea da”.
Liturgiarako Ordezkaritzaren lagungarriak: hemen
Abendualdirako beste proposamen batzuk
Ebanjelizatzearen Eleizbarrutiko Egitasmoaren sustapenerako taldeak be prestatu ditu Abendualdirako lagungarriak. Proposamena, multimedia eta belaunaldiartekoa da. Hona hemen eredu bat txikientzako ebakigarriakaz:
