Bizkaiko Caritaseko Errealidade Sozialaren Behatokiaren bitartez, eliz erakundeak herritarren esku jarri dau bere datu bankua. Web orriaren bidez eskura daitekezan datuak modu interaktiboan eta eskuragarrian eskaintzen dira. “Gardentasun ariketa bat da, Caritas Bizkaiaren esku-hartzea ikusarazoteko eta, holan, unibersidadeek, ikasleek, kazetariek edo komunikabideek egiten dituen kontsultei erantzuteko”, Ana Sofi Telletxeak informazinoa aurkeztean azaldu eban moduan.
Bizkaiko Caritas, baita udan be
Bazterketak eta beharrek udan oporrik hartzen ez dabelako, Caritas Bizkaiak udan zabalik eukiten ditu bere proiektuak. Herrietako jaietan be agertzen da, hainbat jardueratan parte hartuz. Adibidez, Aste Nagusi honetan, Egunon Etxeko erabiltzaile batzuk tortilla lehiaketan parte hartu dabe.
Egunon Etxeak, aurten ere, ez du patata-tortilla lehiaketan parte hartzeko aukera galdu.
— Caritas Bizkaia (@caritas_bizkaia) August 25, 2025
Ayer se despidió Mari Jaia de una fiestas de Bilbao de las que Egunon Etxea, otro año mas, no ha dejado pasar la oportunidad de participar en el concurso de tortilla de patata pic.twitter.com/Gk8huAxtxz
Gazaren egoeraren inguruko adierazpen publikoa
Elena Unzueta Bizkaiko Caritaseko zuzendariak, aste honetan El Correo egunkarian argitaratutako artikulu baten bidez, gazatarrak jasaten ari diran egoera “ankerra” salatu dau. Testuan “sarbide humanitarioa” lortzeko oztopo guztiak kentzeko eskatzen dau. Ildo horretan, “Erantzukizuna bere gain hartzeko” eskatu deutso nazinoarteari.
Gaza no puede ser excepción para los derechos humanos. El acceso a la vida, la salud y la dignidad no es un privilegio, es un derecho.
— Caritas Bizkaia (@caritas_bizkaia) August 26, 2025
✍️ @ElenaUnzueta, directora de #CaritasBizkaia en @elcorreo_com #Gaza #DerechosHumanos #caritas @DiocesisBilbao pic.twitter.com/0grtkVOpZT
Esku hartzeak 2024an
2024an 12.000 persona baino gehiago artatu dauz gero eta egoera konplexuagoetan.
Entidadeak egiaztau dauanez, persona makalenen aurpegiak eta errealidadeak ez dira aldatu. Aldatu dana da bizitza hobea izateko itxaropena. Igongailu soziala geldirik dago aukeren gizartera pasetea debekauta daukien pertsona batzuentzat. Prekarietatea da milaka lagunen araua eta “helmuga”.
Bizkaiko Caritasek denpora daroa gura bako bakartadea egungo gizartearen ondoez nagusietako bat lez identifiketan. Gizarte-isolamendua, neurri handi batean, beste persona batzuen errealidadeari aurre egitearen, komunidade-loturak ahultzearen eta alkartasun- eta komunidade-balioak sustetan dabezan erakundeen krisiaren ondorio da. Caritas Bizkaiak egiaztau dau bakartadea eta isolamendua bizitzako etapa guztietan agirtzen dirala, haurtzarotik hasi eta adineko pertsonetaraino.