Ebanjelizatzearen Eleizbarrutiko VI. Egitasmoan bihurtze ekologikoari buruz jasoten dan jardunbidearen haritik, egunari hasiera emoteko paseoa egin eben Azkorri inguruan (Getxo), Geobizi alkartearen eskutik. Gainerako orduak, Azkorriko karmeldar oinutsen monasterioaren inguruan emon ebezan eta, egunaren amaieran esan ebenez, “harrera oso adeitsua egin deuskue”.
Herri bazkaria amaituta, partaideek “bingo musikalean” parte hartu eben, “barre eta dantza artean”. Eta egunaren amaiera lez eta bizi izandako guztiagaitik eskerrak emoteko, Eukaristia ospatu eben, “kide barriei ondo etorria eginez eta haurtzarotik gaztarorako urratsa emon dauan taldea zorionduz”.
