Bilboko Eleizbarrutian eskaintzen diran heziketa-saioak, askotarikoak dira eta hainbat arlotan jakin-mina daben pertsonei zuzenduta dagoz. Atzoko eta gaurko saioak kontuan hartuta, lantzen diran gaiak anitzak dirala ikusi daikegu.
Atzo, Caritaseko Eleizbarrutiko bikaritzetako kontsiliario edo laguntzaileek ahuleziazko egoeretako espiritualtasunaren inguruan jardun eben.
Autonomia-Indautxu Pastoral Barrutiko Gazteen Mahaia
Pastoral Barrutiko parrokien inguruan batzen diran gazteek hainbat gai aukeratu eben hiru saiotan jasoko daben heziketarako.
Joan dan astean ospatu eben lehenengo saioa, otoitzaz jardun eban Borja Uriarte abadea laguntzaile zala.
Atzo ospatu zan bigarren saioan, Jorge Muriel Kartzela Pastoraltzarako Eleizbarrutiko arduradunak Bibliaren ikuspuntu berezia eskaini eutsen Pastoral Barrutiko kideei.
Hirugarren eta azken saioa martxoaren 1ean ospatuko da, Ana Berrizbeitiak“ gidatuta.
Gehiegikerien prebentzinoa
Txemi Santamaria Lagungo fundazinoko kideak gidatu eban eleiz eremuetan gertatu daitekezan gehiegikerien prebentzinoaren inguruko saioa, atzo, Bilbon. Gaur, Zallan izango da. Adin Txikikoen Babeserako eta Sexu Gehiegikerien Prebentzinorako Bilboko Eleizbarutiko Batzordearen ekimenez egiten dihardue saio honeek eta batzoreagaz batera Eleizbarrutiko Teologia eta Pastoraltza Insititutuak eta Lagungo Fundazinoak be esku-hartzen dihardue. Alkarren Barri aldizkarian Juli Moreno batzordeko kideari eta Txemi Santamaria familia terapiarako taldeko kideari egindako alkarrizketan esatem dabemez. “heziketa ezinbestekoa da prebentzinorako”. Gehiegikeriak jasaten dituanarentzat, “traumak ez dau preskribatzen”, legez hori gertatu bada be. Kristau ikuspuntutik, biktimakaz, euren senideakaz eta “gehiegikeriak egin dabezanakaz” lan egitea gurako leukiela dinoa.
Euren ustez, “biktima eta gehiegikerien eragileen arteko topaketa barriztatzaileak egin egin beharko litzatekez, bide hori hasiera-hasieran badago be. Oraindik ez da holako esperientziarik garatu dauan Eleizbarrutirik ezagutzen”.
Zaintzen espiritualtasuna
Gaur, Teologia Moralean doktore San Rafaelen Osasunaren Zientzietan irakasle eta Ramon y Cajal Unibertsitate Ospitaleko erizain dan Marta Lopezek ‘Zaintzen espiritualtasunaren’ inguruko berbaldia eskaini deutse gai horretan jakin-mina dabenei. Saioa interesgarria izan da eta ospitalean zuzenean bizi dauan esperientziaren inguruko lekukotasuna emon dau. Zaindu aditzaren esanahia nabarmendu dau. Bere esanetan, ‘zaindu’ ez da edozer gauza, “arreta, kezka, zerbitzua, gauzak ondo egiteko ahalegina eskatzen dau, ez zorroztasuna…”.
