Mabel Martinez Fede-zabalkunde eta Katekesirako ordezkaritzako kidearen esanetan, ekitaldiari hasiera emoteko kafea hartu eben Museoko klaustroan eta, ondoren, Fernando Marcos III-VII bikaritzetako bikarioaren eta Alex Alonso IV bikaritzako bikarioak gidatuta egin zan saioa.
Jesusen Pazkorantz goaz: 2023ko Garizuma-aldia eta Aste Santua inoan kartelak. Ideia nagusi bi aurkeztu ebezan eta horreen inguruan gogoeta eragin: “Basamortura eroango zaitut eta bihotzera berba egingo deutsut” eta “Bihotzez otzan eta apal dan Jesusen atzetik jarraitu”.
Saioaren azken zatian, esperientziak, gogoetak…, batera jarri ebezan. Bertaratutakoen argazkia atara ondoren, datorren urterako hitzordua eginda geratu zan.
