Eta azaroaren 12an, domekaz, ospakizun bereziak izango dira parrokia bietan, euren esanetan, “gure herrian, ekologiaren eta bakearen aldeko borroketan sortutako biktimei abegi eginez”. Datorren asteburuko Eukaristietan, San Agustin eta San Lorenzo parrokietan Anton Fernandez eta Josu Murueta gogoan izango dabez. Honeek, “gure herrian, jasaten ari ginen isurketa kutsagarriak salatzeko protestetan indarkeria jasan eben poliziaren aldetik 1969an”. Bake eta Adiskidetzerako parrokia biotako taldekideen esanetan, ekologiaren eta danona dan etxearen alde dagoz, baina borroka honek, batzuetan, biktimak eragin ditu. Josu eta Anton dira “borroka horreen biktima eta eurak gogora ekartean, Jaunak gure esku jarri dauan eta danona dan etxeagaitik eskerrak emon gura doguz, mundua zaintzeko eta ondorengoei mundu hobea izteko gauza izan gaitezala eskatu gura deutsagu”.
Ekitaldia Bilboko Sortze Garbia parrokian
