Alberto Larrinaga Kaltzada egoitzako pastoral taldeko kideak azaldu dauanez, zapatuz bitarteko hau aurkeztuko da: “egoitzaren sorrera, zelan lantzen diran bere oinarri diran balio eta zutabeak, lortu gura diran helburuak…”.
Kaltzada egoitzak 125 leku ditu eta 18 lagun hartu leikez eguneko zentroan. “Era guztietako pertsonak dagoz eta batzuk ez hain zaharrak. Izan be, gazteak be etorten dira, gaixotasunaren eraginez gero eta hondatuago dagozanak, nekez sendatu daitekezanak eta hemen bizitzaren azken aldiko zainketak jasoten dabez. Beste batzuk, mokor edo belaunetik operatu eta sendatzera etorten dira eta beste batzuk senideei atsedena emon ahal izateko.”.
Kaltzada egoitzaren eta beste egoitza batzuen arteko aldeez galdetuta, Larrinagaren esanetan, Karitatearen Alaben presentzian, “egoitzan bizi izan dabezan baloreetan” datza aldea. Gaur egun, euren presentzia oso mugatua da, gehienak edadean aurrera doazalako eta gaur egun “zuzendaritza-taldeari laguntzen deutse eta euren baloreak langile askori helarazo deutsiez”.
Albertoren esanetan, “gizatasunezko jokaera, zaintzetatik harago doan jokaera da bereizgarria. Maitasunez lan egiten danean, nabaritu egiten da. Giza balio horreek onartu eta estimatu egiten dira”.
Kaltzada egoitzan, boluntarioak garrantzizkoak dira. Hain zuzen be, boluntario batek bere lekukotasuna emongo dau zapatuan, Gizarte Jubileuan. Boluntario-lan honek zer emoten deutson kontatuko dau. Horrezaz gainera, egoizan bizi dan baten eta langile baten lekukotasunak be entzungo dira.
Hurrengo ekitaldiak:
Urriak 18. Gordexolako Gizakia Fundazinoa (II. bikaritza)
Azaroak 15. Bilbon (III. eta VII. bikaritzak), Pobreen Munduko Eguna.
