Gaur, urtarrilak 1, Alkarren Barri-Comunicación Eleizbarrutiko aldizkariaren ale barria kaleratu da. Txosten nagusia, hil honetatik aurrera aldi barriari ekingo deutsan Ebanjelizatze-egitasmoari eskainita dago.
Alkarrizketei dagokienez, honeek dira ale honetako protagonistak: Kongoko Errepublika Demokratikoan 56 urte daroazan Xabier Goicouria; jatorriz Venezuelakoa dan David H. Urdaneta abadea; Bizkaian dagoan txinatar alkarte katolikoa eta Felix Larrondo VI. bikaritzako bikarioa.
Urtean bederatzi ale argitaratzen dira
Aldizkariaren formatu digitala -audio eta bideoakaz- web orrialde honetan eskuratu daiteke. Harpidedunek etxean jasoko dabe paper-euskarrian. 2023ko lehenengo ale honegaz zenbaki borobilera iritsi da agerkaria, 290. alea da-eta.
Urtean aldizkariaren bederatzi ale argitaratzeaz arduratzen dan Komunikazinorako Bilboko Eleizbarrutiko sailaren izenean, Belengo bakearen argiaren distiraz betetako urte barria opa deutse irakurle guztiei.
Urte barri on!
