Aurton, Begoñako erromeriak hainbat barritasun dakar, aitagarriena, erromeria ofizialaren igoera bezperara aurreratu eta gaur ospatuko dabela 19:30etatik aurrera, Juan Carlos Rastrollo ekitaldi honetako Ohorezko erromesaren partaidetzagaz. Ohikoa danez, Bizkaia osotik etorritako lagunak Arriaga plazatik atarako dira eta Alde Zaharra kalejiran zeharkatu ondoren, Amatxuren eleizara iritsiko dira 20:50ak inguruan eta, ondoren, 21:00etako mezan parte hartuko dabe.
Bihar -urriak 11a, eguaztena- ospatuko da Begoñako Amatxuren eguna. Egun ospan ospatuko dira mezak basilikan, hain zuzen be, goizez, 9:00etatik 13:00era orduero (eguerdik0 12:00etan, Meza Nagusia, On Joseba Segura gotzaina buru dala eta zuzenean web honetatik) eta arratsaldez, 17:00etatik 21:00etara, orduero.
