Misiolari klaretarrak 1886an heldu ziran Bilbora. Hasieran, kapera zabaldu eben eta beranduago Mariaren Bihotza santutegia.
Misiolari Klaretarrak 1886an heldu ziran Bilbora. Hasieran, kapera xume bat zabaldu zan eta beranduago Mariaren Bihotza santutegia. 1955.eko abenduaren 28an, Casimiro Morcillok, Bilboko Eleizbarruti sortu barriko lehenengo gotzain izan zanak eta une horretan, Zaragozako artzapezpiku izendatu ebelako (1955eko maiatza) asministratzaile apostoliko zanak, ordura arte santutegi zan horretan parrokia barria sortzea eskaini eban.
1956.eko urtarrilaren 12an, Bilboko gotzaitegiak parrokia barria sortzea nahi ebala jakinarazo eban, batez be eleiztarren kopuruak gora egin ebalako eta auzoa urrin egoalako San Anton eta Asisko San Frantzisko (quinta parroquia deitutakoa) parrokietatik. Aldameneko parrokiekiko “mugen” inguruan sortutako zailtasunek eta Casimiro Morcillo Zaragozara joan izanak gurari ha 1966.eko abenduaren 11ra arte atzeratzea ekarri eben eta egun horretan izan zan parrokia bariaren hasiera kanonikoa, Mariaren Bihotza eta San Antonio Maria Claret izenpean, Pablo Gurpide Bilboko gotzain zala.
2016an, Mariaren Bihotza parrokiak -zapatuz bertan izango da ospakizuna- 50. urteurrena ospatu eban. San Frantzisko parrokiaren inguruko gizarte testuinguru barrian, non 50 herritartasun bizi diran, klaretarrak egoera moldatu egin dirala adierazo eben une horretan.
