Martxoaren 1ean Garizumako lehenengo berbaldia ospatu zan Gobela-Galea Pastoral Barrutian (PB). Garizuma-aldi osoan, eguaztenez egiten ari dira saioak, Algortako Hirukoiztarren eleizan, 19:30etan. On Joseba Segurak eskaini eban lehenengo berbaldia, "Eleiza osoa bideari lotu jako lekuko Eleiza bakotxetik" goiburuaren haritik. Gaur, martxoak 8, Clara Arza Fede-zabalkunde eta Katekesirako Eleizbarrutiko ordezkariak jardungo dau, "erronkak eta aukerak. #LekuanLekuko" gaiaren inguruan. Gainera, gaur -martitzena, Gernikan, Gernikaldea PBak antolatutako Garizuma-aldiko jardueren barruan, Ana Berrizbeitia Fede-zabalkunde eta Katekesirako Ordezkaritzako kideak gogoeta gidatuko dau kantuen bidez Andra Mari parrokian, 19:30etan.
Algortan
Jesus Llarena Liturgiarako Eleizbarrutiko ordezkaria izango da martxoaren 15ean ospatuko dan hirugarren saioko hizlaria eta “kristau bizitza eta liturgia heziketa Frantzisko Aita Santuaren irakaspenean” gaia garatuko dau.
Martxoaren 22an, Javier Garai abadeak gidatuko dau saioa: “Alkarte abegitsua: kristau konpromisoaren lekukotasuna”.
Martxoaren 29an emongo jake amaiera saioei Carlos Bargos Bizkaiko Caritaseko zuzendariak gidatuko dauan Garizuma-aldiko otoitzaldiagaz.
Gernikan:
