Ramon Goyarrola Belda da Helsinkiko Eleizbarrutiko gotzain barria. Joan dan zapatuz, azaroak 25, ospatu zan sortzez Bilbokoa dan eta azken hogei urte ingurutan Finlandian bizi dan Gorrayolaren gotzaingintza. On Joseba Segura Bilboko gotzainak, On Mario Izeta Bilboko aurreko gotzainak eta gotzain barriaren hainbat senide eta lagunek parte hartu eben eleizkizunean. Ospakizuna finlandieraz, latinez eta ingelesez egin zan eta Gorrayolak euskeraz be zuzendu eutsezan berba batzuk bere senide eta lagunei.
Ramon Goyarrola (Bilbao, 1969),Opus Deiko Prelatutza Pertsonalekoa, medikuntzan lizentziaduna da Nafarroako Unibertsitatetik. Gotzain izendapena jaso arte, Eleizbarruti horretako bikario nagusi zan.
Helsinkiko Eleizbarrutian, 16.000 katoliko inguru dago -biztanleriaren %1 eskas- eta zortzi parrokiatan banatuta dagoz. Sinistedunen artean, gehienak luteranoak dira (%68,7) eta ortodoxoak be badagoz (%1,1).
